Түркийә парламентида вен җиябавниң түркийә зиярити һәққидә мухбирларни күтүвелиш йиғини өткүзүлди
Сүрәттә, 10 - айниң 7 - күни чүштин бурун саәт 11 йеримда түркийә парламентида ечилған мухбирларни күтүвелиш йиғинида, түркийә парламентидики өктичи партийиләрдин бири болған милләтчи һәрикәт партийисигә мәнсуп парламент әзаси дохтур решат доғру әпәнди сөздә.
RFA Photo / Erkin Tarim
u1007-erkin
Бу йиғин хитай баш министири вен җиябавниң түркийигә қаратқан зиярити мунасивити билән чақирилған бу йиғинға, көп санда гезит вә телевизийә истансилириниң мухбирлири қатнашти.
Мухбирларни күтүвелиш йиғиниға шәрқий түркистан мәдәнийәт вә һәмкарлиқ җәмийити әнқәрә шөбисиниң башлиқи һайруллаһ әфәндигил әпәндиму қатнашти. Биз нәқ мәйданға телефон қилип, бу һәқтә мәлумат алдуқ.
Парламент әзаси решат доғру әпәнди алди билән бу йиғин қатнашқучилириға рәһмәт ейтқандин кейин өз сөзини башлиди. У алди билән хитайниң шәрқий түркистанни 1949 - йили бесивалғанлиқи, 61 йилдин бери уйғурларни ассимилятсийә қилиш үчүн уларға һәр хил бесимларни қиливатқанлиқини билдүрди.
Решат доғру әпәнди, 61 йилдин бери уйғурлар қозғиған қозғилаңлар һәққидә мәлумат берип сөзини мундақ ахирлаштурди: "хитай баш министири вен җябав әтә дөлитимизгә зиярәткә кәлмәкчи. Түркийә һөкүмитиниң баш министири, хитай баш министири билән учрашқанда хитайниң зулумиға вә бесимиға учраватқан шәрқий түркистанлиқ қериндашлирини унутмаслиқини үмид қилимиз."
Түркийидә паалийәт елип бериватқан шәрқий түркистан аммиви тәшкилатлири 10 - айниң 8 - күни әтигән саәт 8 дә вен җябав туридиған әнқәрә хилтон меһманханисиниң алдида, кейин түркийә баш министирлики бинасиниң алдида намайиш өткүзмәкчи.
Намайишқа мәхсус аптобуслар билән истанбул, қәйсәри қатарлиқ шәһәрләрдин кәлгән уйғурлар, уйғурларға һесдашлиқ қилғучи түркләр қатнашмақчи. Биз мухбирларни күтүвелиш йиғини вә намайиш һәққидә мәлумат елиш үчүн һайруллаһ әфәндигил вә сейит түмтүрк әпәндиләр билән сөһбәт елип бардуқ.
Юқиридики аваз улинишидин, бу һәқтики сөһбитимизниң тәпсилатини аңлайсиләр.
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
