Türkiye parlaméntida wén jiyabawning türkiye ziyariti heqqide muxbirlarni kütüwélish yighini ötküzüldi

Türkiye parlaméntidiki öktichi partiyilerdin biri bolghan milletchi heriket partiyisige mensup parlamént ezasi doxtur réshat doghru ependi 10 - ayning 7 - küni chüshtin burun sa'et 11 yérimda türkiye parlaméntida muxbirlarni kütüwélish yighini chaqirdi.
Muxbirimiz erkin tarim
2010-10-07
Share
Reshat-dogru-ependi-305 Sürette, 10 - ayning 7 - küni chüshtin burun saet 11 yérimda türkiye parlaméntida échilghan muxbirlarni kütüwélish yighinida, türkiye parlaméntidiki öktichi partiyilerdin biri bolghan milletchi heriket partiyisige mensup parlamént ezasi doxtur réshat doghru ependi sözde.
RFA Photo / Erkin Tarim

Bu yighin xitay bash ministiri wén jiyabawning türkiyige qaratqan ziyariti munasiwiti bilen chaqirilghan bu yighin'gha, köp sanda gézit we téléwiziye istansilirining muxbirliri qatnashti.

Muxbirlarni kütüwélish yighinigha sherqiy türkistan medeniyet we hemkarliq jem'iyiti enqere shöbisining bashliqi hayrullah efendigil ependimu qatnashti. Biz neq meydan'gha téléfon qilip, bu heqte melumat alduq.

Parlamént ezasi réshat doghru ependi aldi bilen bu yighin qatnashquchilirigha rehmet éytqandin kéyin öz sözini bashlidi. U aldi bilen xitayning sherqiy türkistanni 1949 - yili bésiwalghanliqi, 61 yildin béri Uyghurlarni assimilyatsiye qilish üchün ulargha her xil bésimlarni qiliwatqanliqini bildürdi.

Réshat doghru ependi, 61 yildin béri Uyghurlar qozghighan qozghilanglar heqqide melumat bérip sözini mundaq axirlashturdi: "xitay bash ministiri wén jyabaw ete dölitimizge ziyaretke kelmekchi. Türkiye hökümitining bash ministiri, xitay bash ministiri bilen uchrashqanda xitayning zulumigha we bésimigha uchrawatqan sherqiy türkistanliq qérindashlirini unutmasliqini ümid qilimiz."
    
Türkiyide pa'aliyet élip bériwatqan sherqiy türkistan ammiwi teshkilatliri 10 - ayning 8 - küni etigen sa'et 8 de wén jyabaw turidighan enqere xilton méhmanxanisining aldida, kéyin türkiye bash ministirliki binasining aldida namayish ötküzmekchi.

Namayishqa mexsus aptobuslar bilen istanbul, qeyseri qatarliq sheherlerdin kelgen Uyghurlar, Uyghurlargha hésdashliq qilghuchi türkler qatnashmaqchi. Biz muxbirlarni kütüwélish yighini we namayish heqqide melumat élish üchün hayrullah efendigil we séyit tümtürk ependiler bilen söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet