Qazaqlar néme üchün özlirining sherqiy türkistandin kelgenlikini tilgha almidi?


2006-12-14
Share

Milliyet gézitining 10-chésladiki sanida istanbulda yashawatqan qazaqlar tonushturulup yézilghan tepsili maqale élan qilindi. Maqalide 50 nechche yildin béri istanbulning zeytunburnu rayonida yashap kéliwatqan qazaqlarning tarixi, bu yerge kélish sewebi, örp adetliri resimler bilen tonushturulghan.

Maqalide, qazaq türkliri wexpi bashliqi derwish qilich we abdulwahap qara qatarliq kishiler bilen söhbet élip bérilghan bolup, ular muxbirgha bergen melumatida, özlirining sowét ittipaqining bésim siyasitidin qéchip türkiyige kelgenlikini dégen. Bu xewer gézitte élan qilin'ghandin kéyin istanbulda turushluq Uyghurlar we sherqiy türkistan jem'iyetlirining naraziliqini qozghidi. Ular bu qazaqlarning qazaqistandin emes, sherqiy türkistandin kelgenlikini, ularning kélishi üchün eysa yüsüp alptékinning yardem qilghanliqini dédi. Ular qazaqlarning maqalide bir qétimmu özliri kelgen sherqiy türkistanni éghizgha almighanliqini éytip qazaqlarni eyibleshti.

Hemmimizge melum bolghandek, türkiyidiki sherqiy türkistan köchmenler jem'iyiti mana bu diyardin kelgen qazaqlar qurghan jem'iyet bolup, ular burun sherqiy türkistan dawasida intayin aktip idi. Lékin yéqinqi yillardin béri ularning pa'aliyetliri susliship qalghan bolup, ularning hetta sherqiy türkistandin kelgenlikinimu démesliki kishilerning alahide diqqitini tartti. Undaqta qazaqlar nime üchün emeliyetni démidi? buni démeslikide xitaylarning birer roli barmu qandaq? biz buni bilip béqish üchün munasiwetlik kishilerge téléfon qilduq.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet