Түркийә телевизийисидә уйғур мәсилиси


2007-04-03
Share

Дуня уйғур қурултийи муавин башлиқи, шәрқий түркистан мәдәнийәт вә һәмкарлиқ җәмийити башлиқи сейит түмтүрк әпәнди TV5 телевизийисиниң "дуняниң күнтәртипи" намлиқ программисида.

Йеқиндин бери түркийидики ахбарат васитилирида уйғур мәсилисигә алаһидә йәр берилмәктә. Түркийидики телевизийә қаналлиридин бири болған TV5 телевизийисидә һәптидә бир қетим берилидиған "дуня гүндәми" йәни "дуняниң күнтәртипи" намлиқ программиниң бу һәптидики қисмида мәхсус уйғурларға йәр берилди. Тонулған жорналист атиф өзбәй риясәтчилик қилған дуняниң күнтәртипи намлиқ программида адәттә дуняда һәл болмай келиватқан муһим мәсилиләргә йәр берилиду.

Программиниң бу қисмиға дуня уйғур қурултийи муавин башлиқи, шәрқий түркистан мәдәнийәт вә һәмкарлиқ җәмийити башлиқи сейит түмтүрк әпәнди қатнашти. Риясәтчи атиф өзбәй әпәнди программиниң башлинишида дуняда пәләстин мәсилиси, кәшмир мәсилиси, чечинийә мәсилисигә охшаш һәл болмай келиватқан нурғун мәсилиләрниң барлиқини, шәрқий түркистан мәсилисиниңму 100 йилдин бери һәл болмай келиватқан мәсилә икәнликини ейтип өтти. У сөзидә йәнә йеқинқи йиллардин бери дунядики башқа мәсилиләргә охшаш шәрқий түркистан мәсилисиниңму дуня күн тәртипигә келишкә башлиғанлиқини, уйғур мәсилисиниң ислам дунясиниң шундақла түрк дунясиниң қаниған яриси болуп, бу мәсилини ислам дуняси җүмлидин түрк дунясиға аңлитиш үчүн өзлириниң уйғурларға дуня күн тәртипи намлиқ программида алаһидә йәр бәргәнликини ейтқандин кейин сейит түмтүрк әпәнди билән сөһбәткә башлиди.

Бу қанал түркийидин башқа йәнә сәуди әрәбистан, мисир қатарлиқ ислам дөләтлиригиму тарқитиш қилидиған болуп, TV5 қанилидики бу программида немиләрниң аңлитилғанлиқи һәққидә программиға тәклип билән қатнашқан д у қ муавин рәиси сейит түмтүрк әпәнди билән елип берилған сөһбәттин аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт