Türkiye téléwiziyiside Uyghur mesilisi


2007-04-03
Share

Dunya Uyghur qurultiyi mu'awin bashliqi, sherqiy türkistan medeniyet we hemkarliq jem'iyiti bashliqi séyit tümtürk ependi TV5 téléwiziyisining "dunyaning küntertipi" namliq programmisida.

Yéqindin béri türkiyidiki axbarat wasitilirida Uyghur mesilisige alahide yer bérilmekte. Türkiyidiki téléwiziye qanalliridin biri bolghan TV5 téléwiziyiside heptide bir qétim bérilidighan "dunya gündemi" yeni "dunyaning küntertipi" namliq programmining bu heptidiki qismida mexsus Uyghurlargha yer bérildi. Tonulghan zhornalist atif özbey riyasetchilik qilghan dunyaning küntertipi namliq programmida adette dunyada hel bolmay kéliwatqan muhim mesililerge yer bérilidu.

Programmining bu qismigha dunya Uyghur qurultiyi mu'awin bashliqi, sherqiy türkistan medeniyet we hemkarliq jem'iyiti bashliqi séyit tümtürk ependi qatnashti. Riyasetchi atif özbey ependi programmining bashlinishida dunyada pelestin mesilisi, keshmir mesilisi, chéchiniye mesilisige oxshash hel bolmay kéliwatqan nurghun mesililerning barliqini, sherqiy türkistan mesilisiningmu 100 yildin béri hel bolmay kéliwatqan mesile ikenlikini éytip ötti. U sözide yene yéqinqi yillardin béri dunyadiki bashqa mesililerge oxshash sherqiy türkistan mesilisiningmu dunya kün tertipige kélishke bashlighanliqini, Uyghur mesilisining islam dunyasining shundaqla türk dunyasining qanighan yarisi bolup, bu mesilini islam dunyasi jümlidin türk dunyasigha anglitish üchün özlirining Uyghurlargha dunya kün tertipi namliq programmida alahide yer bergenlikini éytqandin kéyin séyit tümtürk ependi bilen söhbetke bashlidi.

Bu qanal türkiyidin bashqa yene se'udi erebistan, misir qatarliq islam döletlirigimu tarqitish qilidighan bolup, TV5 qanilidiki bu programmida némilerning anglitilghanliqi heqqide programmigha teklip bilen qatnashqan d u q mu'awin re'isi séyit tümtürk ependi bilen élip bérilghan söhbettin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet