Түркийә дөләт министири бүләнт аринч әпәнди уйғурларни қобул қилди

Сейит түмтүрк әпәнди түркийә дөләт министири вә баш министир муавини бүләнт аринч әпәндигә шәрқий түркистан мәсилисигә көңүл бөлгәнлики үчүн рәһмәт ейтти.
Ихтиярий мухбиримиз әркин тарим
2011.09.08
bulent-arinch-sherqiy-turkistan-bayriqi-305.jpg Бүләнт аринч әпәндигә шәрқий түркистан байриқи вә журнал берилди. 2011-Йили 7-сентәбир.
RFA/Erkin Tarim

Дуня уйғур қурултийи муавин рәиси сейит түмтүрк билән шәрқий түркистан мәдәнийәт вә һәмкарлиқ җәмийити әнқәрә шөбисиниң башлиқи хәйруллаһ әфәндигил әпәнди башчиқилидики һәйәтни 9-айниң 7-күни чүштин кейин түркийә дөләт министири вә баш министир муавини бүләнт аринч әпәнди баш министирлиқ бинасидики ишханисида қобул қилди. Сейит түмтүрк әпәнди алди билән бүләнт аринч әпәндигә шәрқий түркистан мәсилисигә көңүл бөлгәнлики үчүн рәһмәт ейтти.

seyit-tumtur-bulent-arinchqa-dert-anglitiwatidu-385.jpg
Сейит түмтүрк әпәнди дөләт министири буләнт аринчқа уйғурларниң әһвали һәққидә мәлумат бәрди. 2011-Йили 7-сентәбир.
RFA/Erkin Tarim

Бүләнт аринч әпәндиниң бу қетимқи парламент сайлимида қайта сайлинип дөләт министири вә баш министир муавини болғанлиқини тәбриклигән сейит түмтүрк әпәнди, бүләнт аринчқа шәрқий түркистанниң һазирқи вәзийити, пакистан вә малайшияда тутулуп қалған уйғурлар һәққидә мәлумат бәрди.

Булардин башқа у дөләт министири һөкүмәт баянатчиси бүләнт аринч әпәндигә дуня уйғур қурултийи рәиси рабийә қадир ханимниң 3 тәлипини йәткүзди. Буларниң биринчиси һеч қандақ уйғурниң террорист әмәслики, иккинчиси түркийиниң уйғурларға виза бериштә қулайлиқ яритип бериши, үчинчиси түркийиниң хәлқарада уйғурларни қоллап қуввәтлиши керәкликидин ибарәт.

Бүләнт аринч уйғурларға қаттиқ ичи ағритқан кәйпиятта һәйәттин уйғурларниң һазирқи вәзийити һәққидә мәлумат алди.

Дуня уйғур қурултийи муавин рәиси сейит түмтүрк башчилиқидики һәйәт уйғурларниң түркийә җумһурийити һөкүмитигә болған тәләплирини баян қилип өткәндин кейин, бүләнт ариничқа көк байрақ журнили билән ай юлтузлуқ көк байрақни совғат қилди. Бүләнт аринчму һәйәткә совғат бәрди. Биз учришиш һәққидә техиму тәпсилий мәлумат елиш үчүн сейит түмтүрк әпәнди билән хәйруллаһ әфәндигил әпәндигә микрофонимизни узаттуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.