Türkiye medeniyet we sayahet ministiri atilla koch Uyghurlarni qobul qildi

• Ixtiyari muxbirimiz erkin tarimning bu heqtiki melumati
• Download story audio

Türkiyidiki sherqiy türkistan medeniyet we hemkarliq jem'iyiti bashliqi séyit tumtürk ependi türkiye sayahet we medeniyet ministirliqining ministiri atilla koch ependi bilen.

Türkiye medeniyet ministiri atilla koch Uyghurlarni qobul qildi. Sherqiy türkistan medeniyet we hemkarliq jem'iyiti bashliqi séyit tumtürk bashchiliqidiki hey'etni qobul qilghan atilla koch Uyghur 12 muqamining oyunighimu barghan idi. Hemmizge melum bolghinidek, Uyghur 12 muqam ansambili türkiye medeniyet we sayahet ministirlikining teklipige bina'en 11 - ayning 11 - küni istanbulgha kelgen idi. Ular türkiyining istanbul, izmir qatarliq sheherliride oyun qoyghandin kéyin 11 - ayning 20 – küni enqerege yétip keldi. 48 Kishidin terkip tapqan muqam ansambili oyun qoyush ömikining ichide 11 kishi ömek bashliqi iken.

Biz aldinqi xewirimizde ömektikilerning pasportining xitay ömek bashliqi teripidin yighiwélinip, ularning hetta türkiyide turushluq uruq - tughqanliri bilen körüshüshigimu ruxset qilinmaywatqanliqidin silerge melumat bergen iduq. Bu xil ehwal hemmining diqqitini tartqan bolup, sherqiy türkistan medeniyet we hemkarliq jem'iyiti bashliqi séyit tumtürk ependi, enqere shöbisi bashliqi hayrullah efendigil ependiler muqam ansambilini türkiyige teklip qilghan türkiye sayahet we medeniyet ministiri atilla koch bilen körüshkinide mushundaq ehwalning barliqini bayan qilghan.

Ministir atilla kochmu bu ehwalni özliriningmu sezgenlikini dégen. 11 – Ayning 19 – küni, yeni yekshenbe küni etigen sa'et 9 yérimda ministirlik binasida élip bérilgen bu uchrishishta némiler otturigha qoyuldi? ministir atilla koch nimilerni dédi?