قەيسەرى ۋالىسىنىڭ خوشلىشىش زىياپىتىگە د ئۇ ق مەسئۇللىرى قاتناشتى
2007.12.05
تۈركىيىنىڭ ئەڭ چوڭ ۋىلايەتلىرىدىن بىرى، ئۇيغۇرلار ئەڭ كۆپ جايلاشقان يەرلەردىن بىرى بولغان قەيسەرىنىڭ ۋالىسى، سابىق ئىچكى ئىشلار مىنىستىرى ئوسمان گۈنەش ئەپەندى تۈركىيە ئىچكى ئىشلىرى مىنىستىرلىقىغا تەيىنلەنگەن . ئوسمان ئەپەندى ئۇزۇن يىل ۋالىلىق ۋەزىپىسى ئۆتىگەن قەيسەرىدىن ئايرىلىش ئالدىدا ھەر دەرىجىلىك كادىرلار ۋە ئاممىۋىي تەشكىلات مەسئۇللىرىغا ۋىدالىشىش زىياپىتى بەرگەن . بۇ زىياپەتكە شەھەر باشلىقلىرى، گېنېراللار، پارلامېنت ئەزالىرى بىلەن بىرلىكتە د ئۇ ق مۇئاۋىن باشلىقى، شەرقىي تۈركىستان مەدەنىيەت ۋە ھەمكارلىق جەمئىيىتى باشلىقى سېيىت تۈمتۈرك باشچىلىقىدىكى بىر گۇرۇپپا ئۇيغۇرلارمۇ تەكلىپ بۇيىچە قاتناشتى.
سابىق ئىچكى ئىشلار مىنىستىرى، قەيسەرى ۋالىسى ئوسمان گۇنەش ئەپەندى ئۇيغۇرلارغا ئامراقلىقى بىلەن تونۇلغان بىر كىشى بولۇپ، ئۇ ۋىدا سۆزى ئاخىرلاشقاندىن كېيىن د ئۇ ق مۇئاۋىن باشلىقى سېيىت تۈمتۈرك ئەپەندىنى سۆزگە تەكلىپ قىلغان. سېيىت تۈمتۈرك ئەپەندى بۇ زىياپەتكە قاتناشقان 500 دىن ئارتۇق يۇقىرى دەرىجىلىك رەھبەرگە بۇ پۇرسەتتىن پايدىلىنىپ خىتايلارنىڭ ئۇيغۇرلارغا قارشى ئېلىپ بېرىۋاتقان بېسىم سىياسىتى ھەققىدە مەلۇمات بەرگەن.
سېيىت تۈمتۈرك ئەپەندى سابىق ئىچ ئىشلىرى مىنىستىرى ۋە قەيسەرى ۋالىسى ئوسمان گۇنەش ئەپەندىنىڭ ئۇيغۇرلارغا قىلغان ياردىمىگە رەھمەت ئېيتىش ئۈچۈن ئۇنىڭغا ئۇيغۇر مىللىي قىياپىتى گەۋدىلەنگەن تون كېيگۈزگەن . سېيىت تۈمتۈرك ئەپەندى ئۆزلىرىنىڭ شەرقىي تۈركىستان ئاممىۋىي تەشكىلاتى بولۇش سۈپىتى بىلەن تۈركىيىدە بۇ خىل پائالىيەتلەرگە تەكلىپ قىلىنىۋاتقانلىقىنى، بۇ خىل پائالىيەتلەرنىڭ شەرقىي تۈركىستان داۋاسىنى ئاڭلىتىشى ئۈچۈن ياخشى بىر پۇرسەت ئىكەنلىكىنى ئېيتتى.
بۇ پائالىيەت ھەققىدە تەپسىلىي مەلۇمات ئېلىش ئۈچۈن د ئۇ ق مۇئاۋىن باشلىقى سېيىت تۈمتۈرك ئەپەندى بىلەن تېلېفون زىيارىتى ئېلىپ باردۇق. (ئەركىن تارىم)
مۇناسىۋەتلىك ماقالىلار
- د ئۇ ق، تۈركىيىنىڭ ئۇلۇسال تېلېۋىزىيىسىنىڭ ئەيىبلىشىگە رەددىيە بىلدۈردى
- ئەزەربەيجان مەتبۇئاتىدا ئۇيغۇرلار
- ئەنقەرەدە تۈركولوگىيە ئىلمىي مۇھاكىمە يىغىنى چاقىرىلدى
- سابىق مىنىستىر ئابدۇخالىق چاي بىلەن سۆھبەت
- ئەزەربەيجاندىكى "تۈركىستان" گېزىتى
- تۈرك دۇنياسىنىڭ ئالدىنى ھېچكىم توسالمايدۇ
- 11 - نۆۋەتلىك تۈركىي جۇمھۇرىيەتلەر ۋە تۈركىي مىللەتلەر دوستلۇق - قېرىنداشلىق - ھەمكارلىق قۇرۇلتىيى
- ئىستانبۇلدا ئېچىلغان خەلقئارالىق كۆرگەزمە پائالىيىتىگە ئۇيغۇرلارمۇ قاتناشتى
- تۈركىيىنىڭ ھەر قايسى شەھەرلىرىدە شەرقىي تۈركىستان جۇمھۇرىيەتلىرى خاتىرىلەندى
- دۇنيا ئۇيغۇر قۇرۇلتېيىنىڭ شىۋىتسىيىدىكى پائالىيەتلىرى
كۆپ كۆرۈلگەن خەۋەرلەر
RFA
- ئۈرۈمچىدىكى مەشھۇر بىنا—«رابىيە قادىر سودا سارىيى» نىڭ چېقىۋېتىلگەنلىكى دەلىللەندى
- كانادا ھۆكۈمىتىنىڭ ئون مىڭ ئۇيغۇرنى ئورۇنلاشتۇرۇشىنىڭ تۇنجى قەدىمى مۇۋەپپەقىيەتلىك بېسىلدى
- «ئۇيغۇر سەنئەت كۆرگەزمىسى» گە يانداشقان ئۇيغۇر قىرغىنچىلىقى مۇھاكىمە يىغىنى باشلاندى
- رىشات ئابباس ئامېرىكا دۆلەت مەجلىسىدە ئۇيغۇر تىلى، مەدەنىيىتى ۋە خاتىرىسىنى قوغداشقا تېخىمۇ كۆپ ئىقتىساد ئاجرىتىشقا چاقىردى
- نۇرى تۈركەل: «ئامېرىكانىڭ ئانامنى ئەكېلىشىنى ئۇيغۇرلارغا كۆرسىتىۋاتقان غەمخورلۇقىنىڭ ئىپادىسى، دەپ قارايمەن»