Qeyseri walisining xoshlishish ziyapitige d u q mes'ulliri qatnashti

• Muxbirimiz erkin tarimning bu heqtiki toluq melumati
• Download story audio

Türkiyining eng chong wilayetliridin biri, Uyghurlar eng köp jaylashqan yerlerdin biri bolghan qeyserining walisi, sabiq ichki ishlar ministiri osman günesh ependi türkiye ichki ishliri ministirliqigha teyinlen'gen . Osman ependi uzun yil waliliq wezipisi ötigen qeyseridin ayrilish aldida her derijilik kadirlar we ammiwiy teshkilat mes'ullirigha widalishish ziyapiti bergen . Bu ziyapetke sheher bashliqliri, générallar, parlamént ezaliri bilen birlikte d u q mu'awin bashliqi, sherqiy türkistan medeniyet we hemkarliq jem'iyiti bashliqi séyit tümtürk bashchiliqidiki bir guruppa Uyghurlarmu teklip buyiche qatnashti.

Sabiq ichki ishlar ministiri, qeyseri walisi osman gunesh ependi Uyghurlargha amraqliqi bilen tonulghan bir kishi bolup, u wida sözi axirlashqandin kéyin d u q mu'awin bashliqi séyit tümtürk ependini sözge teklip qilghan. Séyit tümtürk ependi bu ziyapetke qatnashqan 500 din artuq yuqiri derijilik rehberge bu pursettin paydilinip xitaylarning Uyghurlargha qarshi élip bériwatqan bésim siyasiti heqqide melumat bergen.

Séyit tümtürk ependi sabiq ich ishliri ministiri we qeyseri walisi osman gunesh ependining Uyghurlargha qilghan yardimige rehmet éytish üchün uninggha Uyghur milliy qiyapiti gewdilen'gen ton kéygüzgen . Séyit tümtürk ependi özlirining sherqiy türkistan ammiwiy teshkilati bolush süpiti bilen türkiyide bu xil pa'aliyetlerge teklip qiliniwatqanliqini, bu xil pa'aliyetlerning sherqiy türkistan dawasini anglitishi üchün yaxshi bir purset ikenlikini éytti.

Bu pa'aliyet heqqide tepsiliy melumat élish üchün d u q mu'awin bashliqi séyit tümtürk ependi bilen téléfon ziyariti élip barduq. (Erkin tarim)