Уйғурлар һәққидә һөҗҗәтлик филим ишләнмәктә
2008.03.31
Йеқинқи йиллардин бери уйғур мәсилисиниң хәлқарада давамлиқ күн тәртипкә келиши түрк ахбарат органлириниң диққитини уйғур мәсилисигә тартти. 2007 - Йилиниң башлиридин бүгүнгичә түркийә дөләт телевизйәси болған т р т тәрипидин уйғурлар вә уйғур дияридин кәлгән қазақлар һәққидә 3 һөҗҗәтлик филим ишләнди. Бу һөҗҗәтлик филимләр телевизийәләрдә көрситилгәндин кейин, тамашибинларниң алқишиға еришти.
Түнүгүн йәнә, 3 - айниң 30 - күни камп телевизйәси `шәрқий түркистан вә уйғурлар` темисида бир һөҗҗәтлик филим ишләшкә башлиған.
Бу һөҗҗәтлик филим қәйсәри валилиқи, қәйсәри саяһәт идариси вә қәйсәри әрҗийәс университетиниң ишбирлики билән ишлиниватқан болуп, филимдә қәйсәридә олтурақлашқан уйғурларниң турмушини өрп вә адәтлирини асас қилип туруп, уйғурларниң тарихи, бүгүнки вәзийити, уйғур мәдинийити, уйғур йемәк - ичмәклири, нахша уссуллири вә чәтәлдики шәрқий түркистан тәшкилатлириниң әһвали аңлитилидикән. Бу һөҗҗәтлик филимдә йәнә хитайниң азсанлиқ милләтләргә елип бериватқан бесим сиясити вә уйғур диярида тибәттә йеқиндин бери мәйданға келиватқан һадисиләр һәққидиму мәлумат берилидикән. Бу һөҗҗәтлик филим филим һәққидә тәпсили мәлумат елиш үчүн филимниң режиссори али әпәнди, д у қ муавин рәиси сейит түмтүрк әпәнди вә жорналист варисҗан билән сөһбәт елип бардуқ.
Бу һөҗҗәтлик филимниң режиссори али әпәнди, филим һәққидә мәлумат берип мундақ деди: "шәрқий түркистанлиқ қериндашлиримизниң қәйсәридә яшаватқанлиқини билгәнликимиз үчүн улар һәққидә бир һөҗҗәтлик филим ишләйли дедуқ. Биз һөҗҗәтлик филмимиздә, бу уйғурлар түркийигә қачан қандақ кәлди? түркийигә келиш җәрянида қандақ қийинчилиқларға дучар болди? бу уйғурлар түркийигә кәлгәндин кейин өз мәдәнийәтлирини қоғдап қелиш үчүн немиләрни қиливатиду? қийинчилиқлири немә? өз мәдәнийәтлирини қандақ қоғдап келиватиду? дегәнгә охшаш соалларға җавап тепишқа тиришимиз. Булардин башқа һөҗҗәтлик филмимиздә шәрқий түркистанниң тарихи, мәдәнийити вә һазирқи вәзийити һәққидики мәлуматларғиму йәр беримиз. Һәммимизгә мәлум түрк мәдәнийитидә уйғур мәдәнийитиниң алаһидә орни бар. Һөҗҗәтлик филимимиздә йәнә уйғур мәдәнийити үстидиму тохтилимиз." (Әркин тарим)
Мунасивәтлик мақалилар
- Уйғурлар түрк дуняси мәдәнийәт көргәзмисигә қатнашти
- Америка муавин президенти чений әнқәрәгә кәлди
- Түркийә дөләт министири мәһмәт айдин хитайда зиярәт елп бармақта
- Түркийә кабулда университет қурмақчи
- Түркийә д й п башлиқи четин озачиқгөз д у қ һәйитини қобул қилди
- Рәссам мәрвайит һапиз билән уйғур рәссамчилиқи тоғрисида сөһбәт
- Түркийә билән өзбекистанниң иқтисадий мунасивәтлири мавзулуқ йиғин чақирилди
- Әнқәрәдә "мәһмут қәшқири вә униң өлмәс әсири түркий тиллар дивани" намлиқ йиғин чақирилди
- Түркийә дөләт телевизийисидә уйғурлар вә шәрқий түркистан
- Уйғур сәнитиниң иҗадийлиқи вә миллий хаслиқи тоғрисида доктор қаһар барат билән сөһбәт
- Түркийә парламенти адаләт комитети башлиқи әһмәт ийимая билән сөһбәт
- Уйғур давасиға төһпә қошқанлар д у қ тәрипидин мукапатланди
Көп көрүлгән хәвәрләр
RFA
- Уйғурларниң паҗиәси тәсвирләнгән һөҗҗәтлик филим- “шавқун-сүрән” рояпқа чиқти
- Яқа юртта ишләнгән бәдиий филим “никаһ” арқисидики утуқ вә риқабәтләр
- Шинҗаң университетида дәрсханидин тутуп кетилгән мәһмут мәмтиминниң 13 йиллиқ кесилгәнлики дәлилләнди
- Түркийә президент сайлимида рәҗәп таййп әрдоған утти
- Йүннән тоңхәй сақчи хадими: “мәсчит вәқәсигә четишлиқ кишиләр өзини мәлум қилса кәңчиликкә еришиду”