Uyghurlar heqqide höjjetlik filim ishlenmekte


2008-03-31
Share

D u q mu'awin re'isi séyit tümtürk ependi. RFA Photo / Erkin Tarim

Yéqinqi yillardin béri Uyghur mesilisining xelq'arada dawamliq kün tertipke kélishi türk axbarat organlirining diqqitini Uyghur mesilisige tartti. 2007 - Yilining bashliridin bügün'giche türkiye dölet téléwizyesi bolghan t r t teripidin Uyghurlar we Uyghur diyaridin kelgen qazaqlar heqqide 3 höjjetlik filim ishlendi. Bu höjjetlik filimler téléwiziyelerde körsitilgendin kéyin, tamashibinlarning alqishigha érishti.

Tünügün yene, 3 - ayning 30 - küni kamp téléwizyesi `sherqiy türkistan we Uyghurlar` témisida bir höjjetlik filim ishleshke bashlighan.

Bu höjjetlik filim qeyseri waliliqi, qeyseri sayahet idarisi we qeyseri erjiyes uniwérsitétining ishbirliki bilen ishliniwatqan bolup, filimde qeyseride olturaqlashqan Uyghurlarning turmushini örp we adetlirini asas qilip turup, Uyghurlarning tarixi, bügünki weziyiti, Uyghur mediniyiti, Uyghur yémek - ichmekliri, naxsha ussulliri we chet'eldiki sherqiy türkistan teshkilatlirining ehwali anglitilidiken. Bu höjjetlik filimde yene xitayning azsanliq milletlerge élip bériwatqan bésim siyasiti we Uyghur diyarida tibette yéqindin béri meydan'gha kéliwatqan hadisiler heqqidimu melumat bérilidiken. Bu höjjetlik filim filim heqqide tepsili melumat élish üchün filimning rézhissori ali ependi, d u q mu'awin re'isi séyit tümtürk ependi we zhornalist warisjan bilen söhbet élip barduq.

Bu höjjetlik filimning rézhissori ali ependi, filim heqqide melumat bérip mundaq dédi: "sherqiy türkistanliq qérindashlirimizning qeyseride yashawatqanliqini bilgenlikimiz üchün ular heqqide bir höjjetlik filim ishleyli déduq. Biz höjjetlik filmimizde, bu Uyghurlar türkiyige qachan qandaq keldi? türkiyige kélish jeryanida qandaq qiyinchiliqlargha duchar boldi? bu Uyghurlar türkiyige kelgendin kéyin öz medeniyetlirini qoghdap qélish üchün némilerni qiliwatidu? qiyinchiliqliri néme? öz medeniyetlirini qandaq qoghdap kéliwatidu? dégen'ge oxshash so'allargha jawap tépishqa tirishimiz. Bulardin bashqa höjjetlik filmimizde sherqiy türkistanning tarixi, medeniyiti we hazirqi weziyiti heqqidiki melumatlarghimu yer bérimiz. Hemmimizge melum türk medeniyitide Uyghur medeniyitining alahide orni bar. Höjjetlik filimimizde yene Uyghur medeniyiti üstidimu toxtilimiz." (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet