تۈركىيىدە ئوقۇۋاتقان ئۇيغۇر ئوقۇغۇچىلار تۈركىيىدە شېھىتلەرنى خاتىرلەش مۇراسىمىغا قاتناشتى


2007-03-19
Share

مەشھۇر چاناككالە ئۇرۇشى 1915-يىللىرىنىڭ باشلىرىدا ئەنگىلىيە، فرانسىيە باشچىلىقىدىكى دۆلەتلەرنىڭ تۈركىيىگە تاجاۋۇز قىلىپ كىرىشى بىلەن باشلانغان مۇستەقىللىق ئۇرۇشى بولۇپ، بۇ ئۇرۇش 3-ئاينىڭ 18-كۈنى قەھرىمانلارچە ئۇرۇش قىلغان تۈركلەرنىڭ غەلىبىسى بىلەن ئاخىرلاشقان. ئۇرۇشتا 265 مىڭ تۈرك ئەسكىرى شېھىت بولغان ئىدى. بۇ مۇناسىۋەت بىلەن تۈركلەر بۇ كۈننى ھەر يىلى مۇراسىملەر بىلەن خاتىرلەپ، ئۆزلىرىنىڭ بۈگۈنكىدەك ئازاد ۋە مۇستەقىل ياشىشى ئۈچۈن جانلىرىنى پىدا قىلغان قەھرىمان شېھىتلىرىنى ئەسلىشىدۇ.

تارىخچىلارنىڭ يېزىشىچە بۇ ئۇرۇشقا تۈركلەرگە ياردەم قىلىش ئۈچۈن ئۇيغۇرلارمۇ قاتناشقان ئىكەن. ھەر يىل بولغاندىكىگە ئوخشاش بۇ يىل 3-ئاينىڭ 18-كۈنى تۈركىيە چاناككالە ئۇرۇشىنىڭ 92 يىللىق خاتىرە كۈنى مۇناسىۋىتى بىلەن تۈركىيىنىڭ غەربى شىمالىغا جايلاشقان گېلىبولۇ يېرىم ئارىلىدا شېھىتلەرنى خاتىرلەش مۇراسىمى ئۆتكۈزۈلدى. بۇ مۇراسىمغا دۇنيانىڭ ھەرقايسى جايلىرىدىن كەلگەن تۈركلەر ۋە چەتئەللىكلەردىن بولۇپ، 20 مىڭ كىشى قاتناشتى. ئىستانبۇلدا پائالىيەت ئېلىپ بېرىۋاتقان شەرقىي تۈركىستان ۋەخپىنىڭ تەشكىللىشى بىلەن تۈركىيىدە ئوقۇۋاتقان 70 نەپەر ئۇيغۇر ئوقۇغۇچىمۇ بۇ مۇراسىمغا قاتناشتى. ئۇلار بۇ يەردە تۈركىيىنىڭ مۇستەقىللىق ئۇرۇشىغا ئائىت مۇزىيلەرنى، شېھىت قەبرىلىرىنى زىيارەت قىلدى.

بۇي مۇناسىۋەت بىلەن، تۈركىيىدىكى ئىختىيارى مۇخبىرىمىز ئەركىن تارىم بۇ ساياھەتنى ئۇيۇشتۇرغان شەرقىي تۈركىستان ۋەخپى باش سېكرېتارى ھامۇت گۆكتۈرك ئەپەندى ۋە پائالىيەتكە قاتناشقان ئۇيغۇرلارنى زىيارەت قىلدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت