Türkiye sana'et we tijaret ministirliqi 77 xil xitay mehsulatini yighiwélish qarari chiqardi

Türkiye sana'et we tijaret ministiri nihat ergün bazarlarni tekshürüshke ehmiyet bériwatqanliqini éytip mundaq dégen: "buningdin kéyin, her ayda ministirliqimizning tor bétide bazarlarni tekshürüsh ehwalini élan qilip turimiz. Bu qétimqi tekshürüsh netijiside 77 xil mehsulatni yighiwélish qarari chiqarduq. Bu mehsulatlarning köpi toqumichiliq buyumliri bolup, köpi xitay xelq jumhuriyiti we teywende ishlepchiqirilghan iken. Bularning köpi oyunchuq, tére chapan we shepke".
Ixtiyari muxbirimiz erkin tarim
2010.08.03
turkiye-305.jpg Sürette türkiye sanaet we tijaret ministiri nihat ergün we islam kéngesh teshkilatining bash sékirtari ekmeléddin ihsanoghli ependiler
RFA Photo

Türkiyining eng chong gézitliridin biri bolghan "höriyet" gézitidiki xewerde, türkiye sana'et we tijaret ministirining muxbirlargha bergen bayanatigha orun bérilgen. Mezkur bayanatta yighiwélish qarari chiqirilghan 77 xil mehsulatning köpinchisining toqumichiliq buyumliri ikenliki, bu buyumlarning terkibide rak késili peyda qilidighan maddilar bayqalghanliqi éytilghan.

Nihat ergün ependi sözide yene, buningdin kéyin türkiyige kirgen xitay buyumlirini qattiq tekshüridighanliqini, bundaq buyumlarni satqan shirket we kishilerge éghir jerimane qoyidighanliqini we xitaydin bu xil buyumlarni import qilishni chekleydighanliqini éytqan.

"Höriyet" gézitidiki xewerge asaslan'ghanda, bezi shirketler rak késili peyda qilidighan madda bar buyumlarni "yawropada ishlepchiqirilghan " dep türkiyige élip kélip satqan. Buningdin kéyin türkiye hökümiti xitay buyumlirigha bolghan kontrolluqni kücheytidiken.

Türkiye sana'et tijaret ministiri nihat ergün ependi muxbirlargha bergen bayanatida, xitaydin import qilin'ghan oyunchuqlarda zeherlik maddilarning köp ikenlikini, balilar oyunchuq oynighanda aghzigha tekküzidighanliqini, shunga xitaydin import qilin'ghan oyunchuqlarning qattiq tekshürilidighanliqini tekitligen.

"Höriyet" gézitining 8 - ayning 3 - künidiki sanida terkibide rak késili peyda qilidighan madda bar dep yighiwélin'ghan xitay mallirining tizimliki élan qilin'ghan bolup, bularning köpi toqumichiliq boyumliri we oyunchuqlar iken.

Türkiyide " xitayda ishlepchiqilghan buyumlar" dégen waqitta kishilerning kallisigha süpetsiz buyumlar kélidu. Türk hökümiti xitay mehsulatlirigha dawamliq halda cheklime qoyup kéliwatqan bolsimu, biraq, türkiyide her yerde xitay mehsulatlirini uchratqili bolidu. Bu némining ipadisi? xitay shirketliri özliri ishlepchiqarghan mehsulatlirida rak késili peyda qilidighan madda barliqini bilip turup yene néme üchün bu mallirini bazargha salidu? dégen'ge oxshash bir qatar so'allargha jawab tépish üchün türkiyide tijaret meslihetchiliki kespi bilen shughulliniwatqan abduréshit ependi bilen söhbetleshtuq.

Türkiye sana'et we tijaret ministiri nihat ergün ependi 5 - iyul ürümchi weqesidin kéyin türk xelqini, insan heqlirige hörmet qilmaydighan döletlerning ishlepchiqarghan buyumlirini sétiwalmasliqqa chaqirghan idi.

Yuqiridiki ulinishtin bu progirammining tepsilatini anglighaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.