Türkiyining izmir shehiride Uyghur dastanliri heqqide doklat bérildi

1 - Ayning 17 - küni türkiyining 3 - chong shehiri bolghan izmirda altay taghliridin tuna deryasighiche türk dastanliri témisida ilmiy doklat yighini chaqirilghan bolup, sürette, ege uniwérsitéti türk dunyasi tetqiqat merkizi mutexessisi prof. Dr. Alimjan inayet ependi uyghur dastanliri témisida söz qilghandin kéyin, ege uniwérsitéti türk dunyasi tetqiqat merkizi mudiri prof. Dr. Fikret türkmen ependi bilen birge.

Bu yighin izmir qonaq rayonluq hökümitining medeniyet zalida ötküzülgen bolup, bu yighin'gha 300 etrapida kishi qatnashqan. Yighinda ege uniwérsitéti türk dunyasi tetqiqat merkizi mudiri prof. Dr. Fikret türkmen ependi, türk dunyasi mutexessisi prof. Dr. Metin ekichi ependi we prof. Dr. Alimjan inayet ependiler söz qilghan.

Bu pa'aliyetni türk medeniyet we sen'et jem'iyiti uyushturghan bolup, bu yighinda ege uniwérsitéti türk dunyasi tetqiqat merkizi mutexessisi prof. Dr. Alimjan inayet ependi Uyghur dastanliri témisida söz qilghan.

Biz bu yighin heqqide melumat élish üchün prof. Dr. Alimjan inayet ependi bilen téléfon ziyariti élip barduq. U bu yighinda qilghan sözide, abduraxman xoja, nozugum we séyit nochi qatarliq dastanlardiki qehrimanlarning xitay zulumigha qarshi élip barghan mujadililirini anglatqanliqini tekitlep ötti.

Yuqiridiki awaz ulinishidin, muxbirimiz erkin tarimning bu heqtiki tepsili melumatini anglaysiler.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar