Türkiyining hilal téléwiziyiside Uyghurlarning mesilisi chüshendürüldi
Muxbirimiz arslan
2009.01.13
2009.01.13
Türkler Uyghur diyarni özlirining ata yurti dep bilidu chünki bezi türk tarix kitablirida türkler ottura asiyadin bolupmu Uyghur diyaridin köchüp kelgenliki heqqide uchurlar yézilghan.
Köpinche waqitlarda türkiye axbarat wasitilirida Uyghurlar toghrisida xewer we maqalilar uchrap turidu, téléwiziye qanallirida programma tarqitilidu.
2009 - Yili 10 - yanwar shenbe küni kech sa'et 20:00 de türkiyining hilal téléwiziyisi " medeniyet we hayat " programmisida Uyghurlarning bügünki weziyiti tonushturuldi.
Programmigha hilal téléwiziyisining xadimliridin zehide ölkü xanim riyasetchilik qildi. Programmigha sherqiy türkistan ma'arip we hemkarliq jem'iyitining bash katipi doktor alimjan ependi, IHH insaniy yardemlishish fondining mes'ulliridin exmet imindar ependi qatarliq shexsler ishtirak qildi.
Bu programma sun'iy hemra arqiliq neq meydandin tarqitildi. Programmida doktor alimjan sherqiy türkistan mesilisi we Uyghurlarning bügünki ehwali heqqide söz qilip, pikir -köz qarashlirini otturigha qoydi
Doktor alimjan sözide xitay da'irilirini axbarat erkinlikige cheklime qoyghanliqi bilen eyiblep, Uyghur diyarida yüz bériwatqan weqeler dunyagha anglitilmay kéliwatqachqa dunya jama'iti Uyghurlarning milli mesililirini bilmey kéliwatqanliqini, sherqiy türkistanda mesile éghir ikenlikini shundaqla Uyghur diyarining Uyghurlar üchün üsti uchuq türmige aylan'ghanliqini tekitlidi.
Yuqiridiki awaz ulinishidin, bu programmigha qatnashqan doktor alimjan ependi bilen ötküzgen söhbitimizning tepsilatini anglaysiz.