Uyghurlar dunya insan heqliri künini enqere sheher merkizide xatirlidi


2007-12-11
Share

2007-Yili 12-ayning 10-küni dunya insan heqliri küni munasiwiti bilen türkiyening enqere shehirining merkizi bolghan sakarya meydanida "sherqiy türkistandiki insan heqliri depsendichilikliri" mawzuluq körgezme échildi. RFA Photo / Erkin Tarim

2007- Yili 12- ayning 10- küni birleshken döletler teshkilati kishilik hoquq omumi ehdinamisi maqullan'ghanliqigha 59 yil bolghan bolsimu, kishilik hoquq depsendichiliki dunyaning herqaysi jaylirida dawam qilmaqta. 10- Dékabir küni dunya insan heqliri küni munasiwiti bilen türkiyening enqere shehirining merkizi bolghan sakarya meydanida sherqiy türkistandiki insan heqliri depsendichilikliri mawzuluq körgezme échildi.

Sherqiy türkistan medeniyet we hemkarliq jem'iyiti enqere shöbisi bashliqi xeyrulla efendigil ependining bashchiliqida oyushturulghan bu pa'aliyette meydanning del otturisigha, Uyghur diyaridiki insan heqliri depsendiliri eks ettürülgen yüzlerche resim ésilghandin bashqa , türkiyidiki sherqiy türkistan ammiwiy teshkilatliri chiqiriwatqan gézit, zhurnal we kitablarmu tizilghan.

2007-Yili 12-ayning 10-küni dunya insan heqliri küni munasiwiti bilen türkiyening enqere shehirining merkizi bolghan sakarya meydanida "sherqiy türkistandiki insan heqliri depsendichilikliri" mawzuluq körgezme échildi. RFA Photo / Erkin Tarim

Bulardin bashqa nurghun lozunkilar ésilghan bolup, bu lozunkilarda xitaylar sherqiy türkistandin chiqip ketsun!, sherqiy türkistandiki Uyghurlarni xalighanche qamash axirlashsun!, pilanliq tughut toxtitilsun!, insan heqliri nede? Uyghurlargha erkinlik! dégen'ge oxshash shu'arlar yézilghan.

Mustafa isimlik bir ziyaretchi bu resimlerni körüp Uyghur qérindashlirigha bekla ichi aghrighanliqini, gerche sherqiy türkistan uzaq bolsimu qelbining her da'im Uyghurlar üchün soqidighanliqini éytip mundaq dédi: "Uyghurlar yalghuz emes. U yerdiki Uyghur qérindashlirimizni her da'im qollap quwwetleymiz. Uyghur qérindashlirimiz gerche jughrapiye jehettin uzaqta bolsimu, bizning köngül rishtimiz ulargha baghlan'ghan. Men xitaylarning Uyghurlargha élip bériwatqan bésim siyasitini bu resimlerdin körüp könglüm bekla yérim boldi. Insan heqliri ehdinamisi qobul qilin'ghili 59 yil boldi, emma xitayda insan heqliri peqetla yoq iken, Uyghur qérindashlirimiz öz heq ‏- hoquqini qolgha keltürgiche harmay ‏- talmay küresh qilishi kérek. Bizmu ularni qollap quwwetleymiz. " (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet