Istanbuldiki Uyghurlar dunya insan heqliri küni munasiwiti bilen namayish ötküzdi

• Muxbirimiz arislanning bu heqtiki toluq melumati
• Download story audio

2007‏ - Yili 12- ayning 9- küni, türkiyining istanbul shehiride pa'aliyet qiliwatqan "sherqiy türkistan yashlar teshkilati" ning teshkillishi astida dunya insan heqliri küni munasiwiti bilen, 300 din artuq amma, xitaygha qarshi naraziliq namayishi élip bérildi. RFA Photo / Arslan

2007‏ - Yili 12- ayning 9- küni, türkiyining istanbul shehiride pa'aliyet qiliwatqan "sherqiy türkistan yashlar teshkilati" ning teshkillishi astida dunya insan heqliri küni munasiwiti bilen xitaygha qarshi naraziliq namayishi élip bérildi.

Namayishqa, "sherqiy türkistan yashlar teshkilati", "türkiye ay ‏- yultuz birliki jem'iyiti", " qirim türkliri medeniyet we hemkarliq jem'iyiti", " ezerbeyjan qarabagh jem'iyiti", "iraq türkmenliri jem'iyiti", " türkiye ayasufiya jem'iyiti", "qibris türkliri jem'iyiti" qatarliq jem'iyet, teshkilatlar qatnashqan bolup, Uyghur, türkmen, azari, qirim we türkiyiliklerdin terkip tapqan 300 din artuq amma, istanbulning merkizige jaylashqan taksim meydanida bu naraziliq namayishini élip bardi.

Namayish meydanigha türkiye axbarat wastiliri ‏- téléwiziye qanallirimu kelgen bolup, namayishchilarning rehberliri axbarat yighini échip söz qildi. "Türkiye ay ‏- yultuz birliki" jem'iyitining re'isi, bu qétimqi namayishning pütün dunyadiki kishilik hoquq üchün küresh qiliwatqan teshkilatlarning ortaq naraziliqini bildüridighan bir namayish ikenlikini, bolupmu türk dunyasidiki nurghunlighan insanlarning öz heq - hoquqlirigha ige bolalmaywatqan türklerning naraziliq namayishi ikenlikini körsetti.

2007‏ - Yili 12- ayning 9- küni, türkiyining istanbul shehiride pa'aliyet qiliwatqan "sherqiy türkistan yashlar teshkilati" ning teshkillishi astida dunya insan heqliri küni munasiwiti bilen, 300 din artuq amma, xitaygha qarshi naraziliq namayishi élip bérildi. RFA Photo / Arslan

Namayishchilar qollirida " iraqta, qibrista, qarabaghda, gherbiy tirakiyide, sherqiy türkistanda türkler zulum astida" dégen sho'arlar bésilghan pilakatlarni, xitaylarning Uyghurlarni basturuwatqan resimlirini kötürüshüp, istanbul shehirining galatasaray meydanidin taksim meydanighiche yürüsh qilip, " insan heqliri depsendichiliki yoqalsun", "xitaylar türkistandin chiqip ket", "sherqtin gherbkiche atatürk biz" dégen'ge oxshash naraziliq shu'arlirini towlashti.

"Sherqiy türkistan yashlar teshkilati " ning re'isi tibet yüjetürk, bu qétimqi namayishning asasliq meqsitining xitaygha bolghan ghezep - nepretni bildürüsh we türkiye axbarat wastiliri arqiliq sherqiy türkistanning hazirqi ehwalini türkiye xelqige shundaqla dunyagha anglitish ikenlikini bildürüp: "qimmetlik axbaratchilar, hörmetlik jem'iyet rehberliri, sherqiy türkistandiki xitay zulumlirini türkiye jumhuriyitidiki axbaratchilar yaxshi bilmeydu. Sherqiy türkistanda zulum ‏- iskenjide yashawatqan Uyghurlargha xitaylarning her türlük naheq zulum qiliwatqanliqi axbarat wastilirigha bildürülmey kelmekte," dédi.

Namayish axirlashqanda, namayishqa qatnashqan Uyghurlardin xalmurat ependi qatarliqlarni ziyaret qilip namayish toghrisida söhbet élip barduq. (Arsilan)