Türkiye Uyghurliri qurban héytini shat - xuramliq ichide ötküzmekte

Bügün, 12 - ayning 8 - küni, pütün dunyadiki bir yérim milyart musulman muqeddes qurban héytni tentene bilen kütüwaldi.
Muxbirimiz erkin tarim
2008-12-08
Share
Ankara-heyt-namizi-305.jpg 12 - Ayning 8 - küni, türkiyining kojatöpe meschitidiki qurban héyt namizidin bir körünüsh.
RFA Photo

Bu mubarek künde, musulmanlarning eng büyük arzusi bolsa, héyt namizini islamning shertliri boyiche köngüllük oqush, shundaqla namazdin yénip qebristanliqqa bérip tügep ketken ata - ana, uruq - ‏tughqan we dost ‏ - yarenlirining tupraq béshida olturup qira'et oqush arqiliq, ularning rohigha alladin shatliq tileshtin shundaqla bir biri bilen héytlishish arqiliq hal ehwal sorash, öz ara yardemlishishtin ibaret.

Bu, musulmanlar üchün eng zor meniwi xoshalliqtur. Bügün yeni 12 - ayning 8 - küni türkiyidiki 73 milyon musulman tentenilik halda qurban héyti bashliwetti.

Türkiyidiki musulmanlar bügün etigen qurban héyt namizini qilghandin kéyin ata - ana we yéqinlirining tupraq béshigha bérip qira'et oqughandin kéyin qurbanliqlirini soyup, bir biri bilen héytlishishqa bashlidi.

Qurban héytta türkiyide 9 kün tetil bolup, bu 9 kün jeryanida achlar toyidu, wapat bolghanlar xatirilinidu, chonglarning qoligha, kichiklerning mangliyigha söyülidu, kichiklerge bayramliq pul bérilidu, qisqisi qurban héyt hemme insan xushalliqqa chömidighan bir ay. Undaqta türkiyining istanbul, enqere we qeyseri qatarliq jaylirida olturaqlash Uyghurlar bu qurban héytni qandaq ötküzüwatidu? türkiyide pa'aliyet élip bériwatqan sherqiy türkistan ammiwi teshkilat mes'ulliri héyt munasiwiti bilen dunyadiki Uyghurlargha néme démekchi? türkiyide oquwatqan Uyghur oqughuchilarchu?

Yuqiridiki awaz ulinishidin, muxbirimiz erkin tarimning bu heqte teyyarlighan programmisining tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet