Türkiyining dénizli shehride 'sherqiy türkistan' témisida yighin chaqirildi

Türkiyining gherbiy jenubiy rayonigha jaylashqan dénizli wilayitining dénizli shehride sherqiy türkistan témisida doklat bérish yighini chaqirildi. 3 - Ayning 25 - küni chüshtin kéyin dénizli pamuqqale uniwérsitétining zalida bashlighan yighin'gha oqutquchi oqughuchilar we dénizli shehride pa'aliyet élip bériwatqan ammiwi teshkilat mes'ulliridin bolup 300 etrapida kishi qatnashti.
Muxbirimiz erkin tarim
2010-03-30
Share
Pamuqqele-uniwesitidiki-yighin-qatnashquchilar-305.jpg Süret, türkiyining gherbiy jenubiy rayonigha jaylashqan dénizli wilayitining dénizli shehri pamuqqale uniwérsitétida chaqirilghan sherqiy türkistan témisidiki doklat bérish yighinidin bir körünüsh.
RFA Photo / Erkin Tarim

Pamuqqale uniwérsitétidiki yighinning échilish nutiqini türk dunyasi tetqiqat qulupigha mes'ul oqutquchi dr. Sulayman solmaz ependi qildi. U sözide türk yashlirining sherqiy türkistan mesilisi heqqide melumat igisi bolushi kéreklikini, Uyghur qérindashlirining derdini türk jama'etchilikige anglitishining shert ikenlikini, chünki, 21 - esirge kirgen bügünki künde Uyghurlarning chidighusiz zulum astida yashawatqanliqini éytti.

Yighinda enqere hajettepe uniwérsitéti oqutquchisi mu'awin proféssor dr. Erkin ekrem ependi "qedimdin bügün'giche türkiye - xitay munasiwiti" témisida söz qildi. U miladidin burun hun impériyisi mezgilidin tartip bügün'giche türkiy milletler bilen xitaylar otturisidiki munasiwetni qisqiche anglatqandin kéyin, nuqtiliq halda 1990 - yillardin kéyinki türkiye - xitay munasiwitidiki sherqiy türkistan mesilisi heqqide toxtaldi. Bu pütün kishilerning qattiq diqqitini qozghidi.

3 - Ayning 25 - küni axsham sa'et 7de dénizli sheherlik hökümetning zalida sherqiy türkistan mesilisi mawzuluq doklat bérish yighini ötküzüldi. Bu yighinni türkiyidiki eng kona we eng chong ammiwi teshkilatlardin biri bolghan türk ochaqliri jem'iyiti dénizli shöbisi uyushturghan bolup, yighin'gha dénizlidiki ziyaliylar, yazghuchilar, ammiwi teshkilat mes'ulliri we ammidin bolup 400 etrapida kishi qatnashti.

Yighinda aldi bilen yighinni uyushturghuchi teshkilatning mes'uli dr. Memet baylan ependi bu yighinni chiqirishtiki meqsiti üstide toxtilip mundaq dédi: "sherqiy türkistanliq qérindashlirimizning tégi türk. Biz ulargha yéqinliq hés qilimiz. Ularning bésim astida yashawatqanliqigha biz razi emes. Ularning néme dertlerni tartiwatqanliqini bilish, ularning ehwalini xelqimizge anglitish üchün bu xil pa'aliyetlerni ötküzüwatimiz."

Dr. Memet baylan ependi échilish nutqida buningdin kéyin sherqiy türkistan heqqide élip barmaqchi bolghan pa'aliyetliri heqqide toxtilip mundaq dédi: "sherqiy türkistan heqqide dawamliq halda xelqimizge melumat bérimiz, zörür bolghanda yene doklat bérish yighinliri chaqirimiz, sherqiy türkistanda birer weqe meydan'gha kelse bu heqte metbu'atlargha aktip halda melumat bérimiz. Sherqiy türkistan mesilisi peqetla Uyghurlarningla emes, 300 milyonluq nopusqa ige türk dunyasining mesilisi. Shundaqla türkiye jumhuriyiti dölitining eng muhim mesililiridin biri."

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet