Türkiyide Uyghur mesilisini kün tertipte tutup turush üchün Uyghurlar némilerni qilmaqta?

Süret, 2009 ‏ - yili 8 ‏ - ayning 15 ‏ - küni enqere ghazi uniwérsitéti tijaret we sayahet fakultétining uyushturushida échilghan "5 - iyul ürümchi weqesining heqiqiy ehwali" témisidiki yighindin bir körünüsh.

Emma yéqinqi künlerdin béri Uyghur mesilisi türkiyining kün tertipidin chüshüp qélishqa bashlidi. Uning üstige xitaylar Uyghurlargha qarshi metbu'at hujumigha ötti. Xitay konsulxanisi yighinda söz qilghuchilargha "ürümchi weqesining heqiqi ehwali" témisidiki s d pilastinkisi ewetip, 5 - iyul weqeside Uyghurlarning xitaylarni öltürgenlikini, döletning mal - mülkige ziyan salghanliqini ilgiri sürmekte.

Uyghur mesilisini dawamliq halda türkiyining kün tertipide tutup turush üchün türkiyide pa'aliyet élip bériwatqan sherqiy türkistan teshkilatliri némilerni qilmaqta? bu heqte köz qarashlirini élish üchün d u q mu'awin bashliqi séyit tümtürk ependi we sherqiy türkistan weqpi bashliqi hamit göktürk ependiler bilen söhbet élip barduq.

Söhbitimizde séyit tümtürk ependi 5 - iyul ürümchi weqesidin kéyin dawamliq halda enqerege kélip dölet rehberliri bilen uchriship 1998 - yili türkiye hökümitining sherqiy türkistan teshkilatlirining pa'aliyetlirini cheklesh üchün chiqarghan 36 nomurluq höjjetni emeldin qaldurush üchün tirishiwatqanliqini éytti.

Yuqiridiki awaz ulinishidin, bu heqtiki melumatimizning tepsilatini anglaysiler.