'Türkiyide xitayni chüshinish' pa'aliyiti ötküzülmekte

10 - Ayning 17 - küni "türkiyide xitayni chüshinish" paaliyiti resmiy bashlanghan bolup, sürette, xitay uyushturghan bu paaliyette uyghur senetchiler dolan usuli oynimaqta.

Bu pa'aliyetning kün tertipi boyiche xitay milletler muzika we ussul ömiki namidiki ömek enqerening jüneyt gökcher tiyatir zalida oyun qoydi. Bu oyun'gha köpi xitaydin kelgen mutexessisler, sha'irlar, iqtisadshunaslar, türkiye medeniyet ministirining ayali we türklerdin bolup 500 etrapida kishi qatnashti.

Bu yerde xitayning enqerede turushluq elchixanisi we türk saqchilar qattiq tedbir alghan bolup, türklerning we Uyghurlarning Uyghur sen'etchiler bilen körüshüshige ruxset qilmidi.

Bu pa'aliyetning échilish nutiqini xitay xelq jumhuriyiti axbarat ishxanisining mudiri wang jongwéy qildi. U, sözide xitay - türkiye dostluqi üstide toxtaldi. Kéyin Uyghur sen'etchiler "qeshqer senimi" namliq ussul bilen alqish sadaliri ichide programmisini bashliwetti.

Arqidin, qazaqche naxsha "güzel gül" orundaldi. Bu naxshidin kéyin, özbékche yalghuz kishilik ussul "peqetla séni yaxshi körimen" hemde tajikche, qirghizche naxsha we ussullar orundaldi.

RFA Photo / Erkin Tarim

Dangliq Uyghur naxshichisi izzet ilyas orundighan "lewen yalar" namliq naxsha bilen türkche "chal qanunni chal" namliq naxsha kishilerning qattiq alqishigha érishti.

Bu qétimqi oyunning burunqidin perqi riyasetchi xitay, Uyghur we türk tilida riyasetchilik qildi. 12 Muqam ömiki türkiyide oyun qoyghanda peqet xitay tili bilen türk tilida riyasetchilik qilin'ghan idi.  

Xitay bu pa'aliyetni xitay medeniyitini tonutush üchün qilghan bolsimu, lékin tamashibinlar naxsha - usullarning xitay medeniyiti bilen héchqandaq munasiwiti yoqliqini éytishti.

Yuqiridiki awaz ulinishidin, bu heqtiki melumatimizning tepsilatini anglaysiler.