Xitayning chaghan bayrimi harpisida ghuljida yashlar tutqun qilindi


2005-02-16
Share

Ishenchilik uchurlargha asaslan'ghanda, xitayning chaghan bayrimi harpisida ötkenki yillargha oxshashla Uyghur élida omumyüzlük tutqun qilish herikiti bolghan.

Chaghan harpisida xitay saqchi da'irilirining Uyghur yashlirini tutqun qilish ehwali heqqide bir qeder toluq melumat alghinimiz, ghuljida 700din artuq Uyghur yashlirining tutqun qilin'ghanliq weqesi hésablinidu.

Bu toghruluq biz aldinqi hepte qisqiche melumat bergen iduq. Ige bolishimizche, 1-ayning 8- künide élip bérilghan tutqun qilish, ghuljidiki 4- déwéziye xitay saqchiliri teripidin élip bérilghan. Bu sewebsiz tutulghan Uyghur yashlirining beziliri qoyup bérilgen bolsimu bir qismining hazirghiche dadamtu türmisi qatarliq bir qanche türmilerde tutup turuliwatqanliqi ashkarilandi.

Éhtiyat

Déginingiz pütünley yalghan. Buningdin kéyin bundaq qalaymiqan téléfon urmang

Ilide yüz bergen bu qétimliq keng kölemlik tutqun qilish, Uyghurlarda türlük gumanlarni qozghighan bolup, xitay hökümiti chaghan harpisida hemde 5- féwral ili weqesi bolghanliqining xatire künliri harpisida, Uyghur yashlirining birer siyasiy herket élip bérishidin endishe qilip bu tutqun herikitini élip barghan bolishi mumkin dep qiyas qilinmaqta.

Saqchi da'irilirining keng kölemlik tutqun qilish herikiti élip bérishining meqsidi we 700 din oshuq yashning tutqun qilinish sewebliri heqqide tepsili melumatlargha ige bolush üchün ilidiki saqchi da'irilirige téléfon uliduq.

Tutulghanlar dadamtu türmiside

Ularni biz tutmiduq, 700 dek ademni ghulja sheherlik saqchi idarisi tutuptu.

Gerche bu saqchi idare bashliqi chaghan harpisida tutqun qilish herikiti élip barghanliqini ret qilghan bolsimu, emma biz 4- déwéziye saqchi idarisige téléfon qilip, ularning tutqun qilish herikitige qatnashqan qatnashmighanliqini sorighinimizda, téléfonni alghan bir xitay saqchi “ ularni biz tutmiduq, 700 dek ademni ghulja sheherlik saqchi idarisi tutuptu" - dédi.

Ghulja sheherlik saqchi idarisining özini ashkarilashni xalimighan bir Uyghur saqchisi chaghan harpisida, ghulja sheherlik saqchi idarisining heqiqeten 700din artuq yashni tutqanliqi, bularning ichide 150 ke yéqinini hazirghiche solap turiwatqanliqi, qalghanlirini tekshürüp qoyup bergenlikini, tutulghanlirining dadamtu türmide tutup turiliwatqanliqini éytti, hemde yuqirining bu qétimliq tutqun qilishning asasliq zeherlik chékimlik bilen shughullan'ghuchilarni asas qilghanliqini, qalghan siyasiygha chétishliq tereplirining ba -yoqliqidin xewiri yoqliqini bildürdi.

Bu saqchining bergen téléfon nomurigha asaslinip dadamtu türmige téléfon qilduq. Bir xitay saqchidin chaghan harpisida tutulghan yashlarning beziliri mushu türmide iken, ularning jinayiti nime dep soriduq.

U jawaben, "he'e, shundaq ular asasen zeherlik chékimlik chekküchiler" - dédi.

Biz yene uningdin, bu chong tutqunda tutulghanlardin qanchisi silerde tutup turuliwatidu ? dep soriduq.

U: "bu éniq emes, bügün ottuz, ete yigirme bolup qalidu, tepsili ehwalni igilimekchi bolsanglar mushu yerge kélinglar, men buningdin jiq nerse dep bérelmeymen" - dédi.

Ghulja sheherlik saqchi idarisi: bundaq ish yoq

Biz ilide yüz bergen bu qétimliq tutqun qilishning néme sewebtin élip bérilghanliqi, tutup turiliwatqanlarning mesilisining qachan bir terep qilinidighanliqigha oxshash mesililerge jawab élish üchün ghulja sheherlik saqchi idarisining bashliqi réyimgha téléfon achtuq. Téléfonni alghan saqchi bashliqi réhim bizning erkin asiya radi'osidin uriwatqanliqimizni anglighandin kéyin, bundaq ishning bolmighanliqini, köprek melumatqa ige bolush üchün shu yerge bérishimiz kéreklikini we bundin kéyin téléfon urmasliqimizni éytti.

4- Déwéziye saqchi idarisi: ghulja saqchi idarisi tutti

Ili oblastining xewer torida 16 - féwral küni, ili xelqi bu chaghan bayrimini nahayiti xatirjem ötküzdi, chong jinayi weqe yaki hadisiler yüz bermidi dep xewer bérildi. Démek, xitay saqchi da'iriliri ilidiki keng kölemlik tutqun qilish herikitini nahayiti mexpi élip barghan.

Epsus, ilide tutqun qilin'ghan yashlargha munasiwetlik kishilerdin igilishimizche chaghan harpisida sewebsiz tutqun qilinip, tutup turiliwatqan Uyghur yashlarning ata - ana, uruq -tuqqanliri, hazirgha qeder tutulghanlarning ehwali toghriliq héchqandaq xewer alalmighachqa, ghem endishide turmaqta iken. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet