"Üch xil küch" ke zerbe bérish jem'iyet muqimliqining kapalitimu?

• Muxbirimiz ümidwarning bu heqtiki melumati
• Download story audio

Isma'il tiliwaldi éytqandek "köp yillardin buyan shinjang musteqil özige özi xoja bolush prinsipida ching turdi" mu?

1- Ayning 17-küni ötküzülgen Uyghur aptonom rayoni xelq qurultiyining 10-qurultiyining 4-qétimliq yighinining échilish murasimida xitay kompartiyisi tallap békitken Uyghur aptonom rayonining re'isi isma'il tiliwaldi hökümet xizmitidin doklat bergende "üch xil küchler" ge qattiq zerbe bérishni tekitligen hem bir qatar chare tedbirlirini otturigha qoyghan.

Tengri tagh torining bu heqtiki xewiride körsitilishiche, isma'il tiliwaldi " köp yillardin buyan shinjang musteqil öz-özige xoja bolush prinsipida ching turup, diniy étiqad siyasitini izchillashturup , dawamliq türde milliy ittipaqliq ishliri élip bérip, barawer , ittipaq , öz-ara yardemde bolidighan we maslashqan yéngi tiptiki milletler munasiwitini mustehkemlidi" dep sözligen.

Isma'il tiliwaldining bu sözi bolupmu, uning "shinjang musteqil özige özi xoja bolush prinsipida ching turup" dégen ibarisi Uyghurlarning inkaslirini qozghidi. Xelq'ara Uyghur kishilik hoquq we démokratiye fondi jemiyitining prézidénti rabiye qadir xanim ziyaritimizni qobul qilip, isma'il tiliwaldining sözi heqqidiki inkaslirini otturigha qoydi.