Uyghurlarning metbu'at we ijadiyet erkinlikining boghulushi (2)


2007-12-27
Share

Chet'ellerdiki Uyghur teshkilatliri Uyghurlar üstidin yürgüzülüwatqan insan heqliri depsendichiliklirige qarshi pa'aliyetliride, yillardin buyan xitay hökümiti teripidin qolgha élinip qamaq jazalirigha mehkum qilin'ghan Uyghur qelemkeshlirige erkinlik tilep namayishlar ötküzüp kelmekte.

Uyghurlarning metbu'at we ijadiyet erkinlikining boghulushi mesiliside ziyaritimizni qobul qilghan Uyghur ziyaliysi küresh ataxan ependi, Uyghurlarning meniwiy medeniyitining bügünki paji'elik teqdirini tilgha élip ötti. U sözide Uyghurlarning özining milliy namini we wetinining tarixi namini tilgha élishtinmu mehrum qilin'ghanliqini, Uyghur qelemkeshliri we ziyaliylirining qepezdiki qushqa oxshash bichariliq teqdirige mehkum bolup yashawatqanliqini tekitlep ötti hemde Uyghurlarning metbu'at we ijadiyet erkinliki boghulupla qalmay, yene Uyghurlarning neshr epkarlirining taqiliwatqanliqini we diniy we tarixi eserlirining köydürülüwatqanliqini eskertti.

U sözining axirida, nurmuhemmed yasin, toxti mozart, abdughéni memtimin'ge oxshash qanchilighan Uyghur yazghuchi we tarixchilirining hazirmu xitay türmiliride azap chékiwatqanliqini, xelq'ara kechürüm teshkilati we bashqa insan heqliri teshkilatliri Uyghurlar mesilisi üstide toxtalghanda, ularning erkinliki toghrisida xitaygha izchil bésim ishlitip kéliwatqanliqini tilgha aldi. (Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet