Dunya Uyghur qurultiyi Uyghur élipbesi neshir qildi

• Muxbirimiz erkin tarimning bu heqtiki toluq melumati
• Download story audio

Chet'ellerde yashawatqan Uyghur balilirining Uyghurche öginish telipini qandurush üchün élipbe tüzülüp neshir qilindi. Kitabni atilla qasim tüzgen bolup, dunya Uyghur qurultiyi teripidin neshir qilindi.

80 Bettin terkip tapqan bu élipbe renglik resimler bilen bézelgen bolup, élipbening axiridiki oqush meshqi bölümide Uyghur tarixigha, medeniyitige we Uyghur diyarining jughrapiyisige a'it melumatlarmu bérilgen. Kitabning Uyghur diyaridiki ösmür- balilar oquydighan élipbedin eng zor perqi, bu élipbede qizil galistuk taqighan balilarning bolmasliqi, xitayning 5 yultuzluq qizil bayriqining ornigha ay yultuzluq kök bayraqning shundaqla 1933-yili élan qilin'ghan sherqiy türkistan islam jumhuriyitining dölet gérbining resimlirining qoyulghan bolushi idi.

Uyghur diyaridiki élipbelerde qizil armiye, kompartiye we markisizm idiyisi teshwiq qilin'ghan qisqa hékayet we maqaliler yer alghan bolsa, bu élipbede Uyghurlarning dangliq shexsliri tonutulghan maqaliler, milletperwerlik teriplen'gen shé'irlar, Uyghurlarning örp-aditi we güzel edep - exlaq ögitilgen hékayiler bérilgen.

Aptor élipbening kirish sözide bu élipbeni tüzüp chiqishidiki sewep üstide toxtilip: Uyghur diyarida chiqirilghan élipbelerning kirish bétidiki boynigha qizil galistuk asqan halda, xitayning qizil bayriqini chiqiriwatqan ösmürlerning resimliri qelbimde muhajirettiki Uyghur perzentliri üchün ismi- jismigha layiq, Uyghurgha xas bolghan bir élipbe tüzüsh istikini peyda qildi, dep yazghan. Biz aptor atilla qasim we bu kitabni neshir qildurghan dunya Uyghur qurultiyi neshriyat we teshwiqat bölüm bashliqi abdujélil turan ependiler bilen téléfon söhbiti élip barduq. (Erkin tarim)