Uyghur qizi eser saqa xanim we uning 'chüshtin ré'alliqqa qarap: sherqiy türkistan' namliq foto süret körgezmisi

Yéqinqi yillardin béri dunyaning her qaysi jaylirida bolupmu türkiyide Uyghurlar heqqide köp sanda kitab jurnallar neshir qilin'ghandin bashqa, Uyghurlarni tonushturidighan sen'et pa'aliyetlirimu köpeymekte. 3 - Ayning 10 - küni enqerening del merkizige jaylashqan milli piyan'go idarisining sen'et merkizide "chüshtin ré'alliqqa qarap: sherqiy türkistan" namliq foto süret körgezmisi échildi.
Muxbirimiz erkin tarim
2009-03-11
Share
Uyg-qizi-suretchi-eser-saqa-305 Uyghur qizi eser saqa xanim, 3 - ayning 10 - küni enqerening del merkizige jaylashqan milli piyango idarisining senet merkizide échilghan "chüshtin réalliqqa qarap: sherqiy türkistan" namliq foto süret körgezmiside sözde.
RFA Photo / Erkin Tarim

3 - Ayning 21 - künigiche dawam qilidighan bu resim körgezmisige türkiye bash ministirlik alip teptish idarisi bashliqi sabahettin qalyonju'oghli we sabiq edliye ministiri hikmet samitürk, parlamént ezaliri, enqerediki Uyghurlar we sen'etchilerdin bolup köp sanda kishi qatnashti. Bu resim körgezmisini dadisi kichik yashta xitay zulmidin qéchip türkiyige kélip yerliship qalghan, ömür boyi wetinige qaytalmighan bir Uyghurning qizi achqan. U bolsimu türkiye bash ministirlikide ishlewatqan eser saqa xanim. U bu körgezmide ötken yili 12 - ayda ürümchi we qeshqerdin tartqan resimlirini körgezme qilghan.

Bu resimlerde nuqtiliq halda Uyghur diyaridiki tarixiy yerler, kishilerning turmushi eks ettürülgen bolup, foto süret sen'etchisi eser saqa xanim échilish nutqida bu foto resim körgezmisini échishtiki meqsiti üstide toxtilip mundaq dédi:
Uyg-naxsha-Irfan-gurdal-305
Uyghur qizi eser saqa xanimning, 3 - ayning 10 - küni enqerening del merkizige jaylashqan milli piyango idarisining senet merkizide échilghan "chüshtin réalliqqa qarap: sherqiy türkistan" namliq foto süret körgezmiside uyghurche naxsha orunlighan türkiye medeniyet ministirliki senetchisi irfan gürdal ependi sürette.
RFA Photo / Erkin Tarim

Bu körgezmining men üchün alahide ehmiyiti bar. Bu héssiyatimni siler bilen ortaqlashmaqchimen. Méning anamning dadisi we dadam kichik yashta sherqiy türkistanning qeshqer shehridin köchüshke mejbur bolghan iken. Epsuski dadam wetinige qaytalmastin alemdin ötti. Dadam hayattiki waqtida, u, wetinige bolghan séghinishini dawamliq halda men bilen ortaqlishatti. Dadam baralmighan bolsimu ötken yili 12 - ayda wetinimge bérish pursitige ige boldum. Yeni méning chüshüm ré'alliqqa aylandi, shunga bu körgezmining ismini "ruyadan gerchege yoljuluq" yeni "chüshtin ré'alliqqa qarap seper" qoydum.

Kéyin türkiye medeniyet ministirliki sen'etchisi irfan gürdal ependi Uyghur naxshisi orunlidi.

Eser xanimning 85 yashliq anisi pakize türkistanli xanim mikrofonimizgha qizining foto resim körgezmisini körgendin kéyinki tuyghulirini anglitip mundaq dédi:

Nahayiti bexitlikmen. Qizimdin bekla pexirlinimen. Buninggha bek köp emgek singdürdi. Dadisining pütün xiyallirini arzu armanlirini emelge ashurdi. Dadisi yeni méning érim dawamliq halda bizge tughulghan yéri qeshqerni anglitatti, qizim bérip körüp, süretlerni tartip keldi, bekla xosh boldum.

Kéyin mikrafonimizni bu körgezmini körüwatqan kishilerge uzattuq.

Yuqiridiki awaz ulinishidin, bu heqtiki melumatimizning tepsilatini anglaysiler.   


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet