Uyghur akadémiyisi pexriy re'isi erkin sidiq türkiyide bir qatar pa'aliyetlerni élip bardi

Süret, uyghur akadémiyisi pexriy reisi doktor erkin sidiq ependi türkiye bash ministirliq idarisi tarmiqidiki türkiy milletler hemkarliq idarisi maarip - medeniyet we ijtimaiy hemkarliq bashqarma bashliqi doktor mehmet yilmaz ependi bilen körüshüwatqan körünüshlerdin biri.

Doktor erkin sidiq ependi bashchiliqidiki Uyghur akadémiyisi hey'iti türkiye bash ministirliq idarisi tarmiqidiki türkiy milletler hemkarliq idarisi ma'arip - medeniyet we ijtima'iy hemkarliq bashqarma bashliqi doktor mehmet yilmaz ependi bilen körüshti we ulargha bezi teleplerni otturigha qoydi.

Kéyin ular türkiye ilmiy we téxnologiye tetqiqat idarisi xelq'ara hemkarliq bashqarma mes'uli proféssor doktor nilay basharan xanim bashchiliqidiki hey'et bilen uchriship, Uyghur akadémiyisi bilen qandaq hemkarlishish heqqide muzakire élip bardi.
 
Bügün yeni 9 - ayning 1 - küni doktor erkin sidiq ependi türkiyining tonulghan uniwérsitétliridin biri bolghan boghaz'ichi uniwérsitétida léksiye sözlidi. Bu ilmiy doklat yighinigha oqutquchi, magistir we doktur oqughuchilar qatnashti. Erkin sidiq ependi ulargha özining élip bériwatqan tetqiqatliri we buningdin kéyinki pilanliri heqqide melumat berdi. 

Yuqiridiki awaz ulinishidin, bu heqtiki melumatimizning tepsilatini anglaysiler.