Америкида тәтқиқат елип бериватқан ака ‏- сиңил уйғур алимлар (2)


2007-07-05
Share

Биз өткәндә қазақистанда туғулуп өскән, әмма һазир америкида колон тәтқиқати билән шуғуллиниватқан ака-сиңил уйғур алимлири һәққидә мәлумат бәргән һәм бу қериндаш алимларниң бирси болған доктор шөһрәт мутәллип билән өткүзгән сөһбитимизни аңлатқан идуқ. Бу нөвәт доктор шөһрәт мутәллипниң сиңлиси доктор майсәм мутәллип билән өткүзгән сөһбәтни диққитиңларға сундуқ.

Доктур майсәм мутәллип ғол һүҗәйрә саһәсидә көзгә көрүнгән алим болуп, у һазир бостондики америка массачусетс технологийә университетиниң һүҗәйрә био-медитсина тәтқиқат мәркизидә хизмәт қиливатиду.

Майсәмниң һаят паалийити үстидә икки кәлимә сөз

Доктур майсәм мутәллип, қазақистандики уйғур райони ғалибийәт йезисида дуняға кәлгән, кейин дадисиниң хизмити сәвәблик алмата шәһиригә йеқин йеза- ават йезисиға көчүп кәлгән вә башланғуч , оттура мәктәпни аватта түгәткән.

Толуқ оттурини пүттүргән йили, акисиниң қизиқтуруши вә ата ‏-анисиниң қоллиши арқисида сабиқ совет иттипақидики даңлиқ йеза игилик университети тимириасев намидики йеза игилик университетиға оқушқа киргән.

Тоғра қарар

Майсәм докторниң дадиси музәппәр мутәллип ака оз вақтидики ишларни әсләп, шу чағларда уйғурчә мәктәп болмиғандин кейин уларни русчә оқутқанлиқини, оғли шөһрәтниң толуқ оттурини пүттүрүп һәрбий мәҗбурийәтни тамамлиғандин кейин москваға тимрасев намидики йеза игилик мәктипигә берип оқуғанлиқини, кийин майсәмниму шу мәктәпкә беришқа дәвәт қилғанлиқини әсләп өтүп: " шу заманларда биз уйғурларда қиз балини йираққа әвәтишни тоғра тапмайттуқ, лекин мән балам оқувалсун, ака-ука иккиси бир-биригә һәмраһ болсун дәп уни шу мәктәпкә әвәттим. Шу вақитта майсәмни шу мәктәпкә әвәтип тоғра қилған икәнмән" дәйду.

Кейинки ишлар

Майсәм йеза игилик университетини түгәткәндин кейин қазақистанға қайтип кәлгән вә алматада бир биологийә тәҗрибә институтида хизмәт қилған. Акиси шөһрәт докторлуқ программисиға киргәндин кейин , йәнә акисиниң дәвәт қилиши арқисида өзи илгири пүттүргән мәктәпкә докторлуқ программисиға оқушқа киргән.

У америкиға кәлгәндин кийин висконсин штатиниң мадисон шәһиридики висконсин университетиға доктур ашти басқучидики тәтқиқатини давамлаштурған вә бу җәрянда бир мозайни нәтиҗилик колон қилип тамамлиған. Униң ишләп чиққан һүҗәйрә линийилири башқа тәтқиқатчилар тәрипидин ишлитилгән вә илмий журналларда мақалилири елан қилинған. У һазир массачусетс технологийә университетиниң һүҗәйрә био-медитсина тәтқиқат мәркизидә хизмәт қиливатиду . (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт