Amérikida tetqiqat élip bériwatqan aka ‏- singil Uyghur alimlar (2)


2007-07-05
Share

Biz ötkende qazaqistanda tughulup ösken, emma hazir amérikida kolon tetqiqati bilen shughulliniwatqan aka-singil Uyghur alimliri heqqide melumat bergen hem bu qérindash alimlarning birsi bolghan doktor shöhret mutellip bilen ötküzgen söhbitimizni anglatqan iduq. Bu nöwet doktor shöhret mutellipning singlisi doktor maysem mutellip bilen ötküzgen söhbetni diqqitinglargha sunduq.

Doktur maysem mutellip ghol hüjeyre saheside közge körün'gen alim bolup, u hazir bostondiki amérika massachuséts téxnologiye uniwérsitétining hüjeyre bi'o-méditsina tetqiqat merkizide xizmet qiliwatidu.

Maysemning hayat pa'aliyiti üstide ikki kelime söz

Doktur maysem mutellip, qazaqistandiki Uyghur rayoni ghalibiyet yézisida dunyagha kelgen, kéyin dadisining xizmiti seweblik almata shehirige yéqin yéza- awat yézisigha köchüp kelgen we bashlan'ghuch , ottura mektepni awatta tügetken.

Toluq otturini püttürgen yili, akisining qiziqturushi we ata ‏-anisining qollishi arqisida sabiq sowét ittipaqidiki dangliq yéza igilik uniwérsitéti timiri'aséw namidiki yéza igilik uniwérsitétigha oqushqa kirgen.

Toghra qarar

Maysem doktorning dadisi muzepper mutellip aka oz waqtidiki ishlarni eslep, shu chaghlarda Uyghurche mektep bolmighandin kéyin ularni rusche oqutqanliqini, oghli shöhretning toluq otturini püttürüp herbiy mejburiyetni tamamlighandin kéyin moskwagha timraséw namidiki yéza igilik mektipige bérip oqughanliqini, kiyin maysemnimu shu mektepke bérishqa dewet qilghanliqini eslep ötüp: " shu zamanlarda biz Uyghurlarda qiz balini yiraqqa ewetishni toghra tapmayttuq, lékin men balam oquwalsun, aka-uka ikkisi bir-birige hemrah bolsun dep uni shu mektepke ewettim. Shu waqitta maysemni shu mektepke ewetip toghra qilghan ikenmen" deydu.

Kéyinki ishlar

Maysem yéza igilik uniwérsitétini tügetkendin kéyin qazaqistan'gha qaytip kelgen we almatada bir bi'ologiye tejribe institutida xizmet qilghan. Akisi shöhret doktorluq programmisigha kirgendin kéyin , yene akisining dewet qilishi arqisida özi ilgiri püttürgen mektepke doktorluq programmisigha oqushqa kirgen.

U amérikigha kelgendin kiyin wiskonsin shtatining madison shehiridiki wiskonsin uniwérsitétigha doktur ashti basquchidiki tetqiqatini dawamlashturghan we bu jeryanda bir mozayni netijilik kolon qilip tamamlighan. Uning ishlep chiqqan hüjeyre liniyiliri bashqa tetqiqatchilar teripidin ishlitilgen we ilmiy zhurnallarda maqaliliri élan qilin'ghan. U hazir massachuséts téxnologiye uniwérsitétining hüjeyre bi'o-méditsina tetqiqat merkizide xizmet qiliwatidu . (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet