Истанбулдики уйғур аяллар инсан һәқлири йиғинида

Кишилик һоқуқ дәпсәндичилики инсанларниң иҗтимаий һаятиға бивастә тәсир қиливатқан бир мәслә, бәзи диктатор дөләтләр әр ‏- аял, қери ‏- яш айримастин инсан һәқлирини дәпсәндә қилип кәлмәктә.
Мухбиримиз арслан
2009-04-17
Share
Ayallarning-insan-heqliri-305 2009 ‏- Йили 4 ‏- айниң 15 ‏- күни түркийидики иһһ инсаний йардәм вәхпиниң айаллар бөлүми тәрипидин уйуштурулған йиғиндин бир көрүнүш.
RFA Photo / Arslan

Болупму пәләстин, чечинистан, шәрқий түркистан, ирақ қатарлиқ дөләт вә районларда инсан һәқлири еғир дәриҗидә дәпсәндә болуватқанлиқи хәлқара кишилик һоқуқ тәшкилатлири тәрипидин тәнқидкә учрап кәлмәктә, әрләрниң кишилик һоқуқи дәпсәндә қилинғанға охшаш аялларниңму кишилик һоқуқи дәпсәндә қилинип кәлмәктә йеқинда бу мунасивәт билән түркийиниң инсаний ярдәм вәхпи аяллар бөлүми тәрипидин аялларниң кишилик һоқуқи тоғрисида йиғин өткүзүлди.
 
2009 ‏- Йили 4 ‏- айниң 15 ‏- күни түркийидики иһһ инсаний ярдәм вәхпиниң аяллар бөлүми тәрипидин аялларниң инсаний һәқ - һоқуқлири тоғрисида мәхсус аяллар үчүн бир йиғин уюштурулди.

Йиғинниң асаси мәқсити, чечинистан, шәрқий түркистан, пәләстин ирақ қатарлиқ дөләтләрдин түркийигә келип олтурақлишип қалған аялларниң кишилик һоқуқиниң дәпсәндичиликкә учриғанлиқи һәққидә доклат һазирлаш икән.

Йиғинға чечинистан, шәрқий түркистан, пәләстин ирақ қатарлиқ дөләт вә районларда кишилик һоқуқи дәпсәндичиликкә учрап юртидин ташлап кетип, түркийидә олтурақлишип қалған аялларниң вәкилләр тәклип қилинған болуп, уйғур аяллириға вакалитән айшәмгүл вә абидә ханим қатарлиқ икки уйғур аял иштирак қилди. Йиғинда һәр қайси дөләт вә районлардин кәлгән вәкилләр сөз қилған болуп, өзлириниң юртлиридики аялларниң һәқ ‏- һоқуқлириниң қайси шәкилдә дәпсәндә боливатқанлиқини түркийигә кәлгәндин кейин қандақ һаятқа еришкәнлики һәққидә сөз қилған, уйғур аяллириға вакалитән абидәханим исимлик аял сөз қилип, уйғур аяллириниң инсан һәқлириниң еғир дәриҗидә дәпсәндә болуватқанлиқи вә уйғур аяллириниң нөвәттә дүч келиватқан мәсилилири һәққидә сөз қилған.

Абидә ханим сөзидә уйғур қизлириниң ичкири өлкиләргә мәҗбури һалда йөткәп кетиватқанлиқини, пиланлиқ туғут сияситиниң бесими астида нурғун аялларниң һәр хил кесәлләргә гириптар болуп һаятидин айриливатқанлиқини нурғун мәсум бовақларниң анисиниң қорсиқидин мәҗбури елип ташлиништин ибарәт инсанни ечиндуридиған вәқәләрниң йүз бериватқанлиқини аңлатқан.

Бу йиғин һәққидә уйғур аяллириға вакалитән йиғинға қатнашқан уйғур аяллар билән сөһбәт елип бардуқ.

Юқириқи аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт