Istanbuldiki Uyghur ayallar insan heqliri yighinida

Kishilik hoquq depsendichiliki insanlarning ijtima'iy hayatigha biwaste tesir qiliwatqan bir mesle, bezi diktator döletler er ‏- ayal, qéri ‏- yash ayrimastin insan heqlirini depsende qilip kelmekte.
Muxbirimiz arslan
2009.04.17
Share on WhatsApp
Share on WhatsApp
Ayallarning-insan-heqliri-305 2009 ‏- Yili 4 ‏- ayning 15 ‏- küni türkiyidiki ihh insaniy yardem wexpining ayallar bölümi teripidin uyushturulghan yighindin bir körünüsh.
RFA Photo / Arslan

Bolupmu pelestin, chéchinistan, sherqiy türkistan, iraq qatarliq dölet we rayonlarda insan heqliri éghir derijide depsende boluwatqanliqi xelq'ara kishilik hoquq teshkilatliri teripidin tenqidke uchrap kelmekte, erlerning kishilik hoquqi depsende qilin'ghan'gha oxshash ayallarningmu kishilik hoquqi depsende qilinip kelmekte yéqinda bu munasiwet bilen türkiyining insaniy yardem wexpi ayallar bölümi teripidin ayallarning kishilik hoquqi toghrisida yighin ötküzüldi.
 
2009 ‏- Yili 4 ‏- ayning 15 ‏- küni türkiyidiki ihh insaniy yardem wexpining ayallar bölümi teripidin ayallarning insaniy heq - hoquqliri toghrisida mexsus ayallar üchün bir yighin uyushturuldi.

Yighinning asasi meqsiti, chéchinistan, sherqiy türkistan, pelestin iraq qatarliq döletlerdin türkiyige kélip olturaqliship qalghan ayallarning kishilik hoquqining depsendichilikke uchrighanliqi heqqide doklat hazirlash iken.

Yighin'gha chéchinistan, sherqiy türkistan, pelestin iraq qatarliq dölet we rayonlarda kishilik hoquqi depsendichilikke uchrap yurtidin tashlap kétip, türkiyide olturaqliship qalghan ayallarning wekiller teklip qilin'ghan bolup, Uyghur ayallirigha wakaliten ayshemgül we abide xanim qatarliq ikki Uyghur ayal ishtirak qildi. Yighinda her qaysi dölet we rayonlardin kelgen wekiller söz qilghan bolup, özlirining yurtliridiki ayallarning heq ‏- hoquqlirining qaysi shekilde depsende boliwatqanliqini türkiyige kelgendin kéyin qandaq hayatqa érishkenliki heqqide söz qilghan, Uyghur ayallirigha wakaliten abidexanim isimlik ayal söz qilip, Uyghur ayallirining insan heqlirining éghir derijide depsende boluwatqanliqi we Uyghur ayallirining nöwette düch kéliwatqan mesililiri heqqide söz qilghan.

Abide xanim sözide Uyghur qizlirining ichkiri ölkilerge mejburi halda yötkep kétiwatqanliqini, pilanliq tughut siyasitining bésimi astida nurghun ayallarning her xil késellerge giriptar bolup hayatidin ayriliwatqanliqini nurghun mesum bowaqlarning anisining qorsiqidin mejburi élip tashlinishtin ibaret insanni échinduridighan weqelerning yüz bériwatqanliqini anglatqan.

Bu yighin heqqide Uyghur ayallirigha wakaliten yighin'gha qatnashqan Uyghur ayallar bilen söhbet élip barduq.

Yuqiriqi awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet