دۇنيا ئۆسمۈرلىرى ئۇچرىشىش كۈنىگە ئۇيغۇر بالىلار قاتناشتى
2007.06.20
تۈركىيە ئىنسان ھەقلىرى ياردەملىشىش فوندىنىڭ ئۇيۇشتۇرۇشى بىلەن 17- ئىيۇن كۈنى دۇنيا ئۆسمۈرلىرى ئۇچرىشىش پائالىيىتى ئۆتكۈزۈلدى.
بۇ پائالىيەتكە فىلىپپىن، تايلاند، ھىندونېزىيە، ، چېچەنىستان، پەلەستىن، ئىراق، كامبودژا، كوسوۋا، لىۋان قاتارلىق 17 دۆلەتتىن كەلگەن بالىلار بىلەن بىرلىكتە تۈركىيىدە ياشايدىغان ئۇيغۇر بالىلىرىمۇ قاتناشتى. ئىستانبۇلدىكى كۆرگەزمە ۋە قۇرۇلتاي مەركىزىدە ئۆتكۈزۈلگەن بۇ پائالىيەتتە بالىلار ئۆزلىرىنىڭ مىللىي كىيىم -كېچەكلىرىنى كىيىشىپ، ھەرخىل مەزمۇندا تەييارلىغان سەنئەت نومۇرلىرىنى تەقدىم قىلىشتى.
شەرقىي تۈركىستان مائارىپ ۋە ھەمكارلىق جەمئىيىتىنىڭ ئورۇنلاشتۇرۇشى بىلەن ئۇيغۇر ئۆسمۈرلىرىگە ۋاكالىتەن راھىلە، ئايگۈزەل ۋە قەلبىنۇرلار پائالىيەتكە قاتناشتى. ئۇلار دېكلاماتسىيە قىلغان "ئۇزاقتا بىر ۋەتەن بار، ئىسمى شەرقىي تۈركىستان" ۋە "ئۇيغۇرلار" قاتارلىق شېئىرلاردىن تاماشىبىنلار ئىنتايىن ھاياجانلانغان بولۇپ، كۆزلىرىدىن ئىختىيارسىز ھالدا ياش ئاققۇزدى.
ئىستانبۇل ۋە قەيسىرىدە ياشايدىغان ئۇيغۇرلار تەشكىللىنىپ كېلىپ , بۇ پائالىيەتنى كۆرگەن بولۇپ، مۇھىم تېلېۋىزىيە قاناللىرىدىن بولغان ھىلال، دوستلۇق، كىرال ۋە ئەل-جەزىرە قاتارلىق تېلېۋىزىيە قاناللىرى پائالىيەتنى نەق مەيداندىن تارقاتتى. ( ئەركىن تارىم)
مۇناسىۋەتلىك ماقالىلار
- شەنشىدىكى قارا خۇمداندىن بىر ئۇيغۇر بالا ئىشچى تېپىلدى
- ئامېرىكا خىتاينى ئادەم ئەتكەسچىلىك سودىسى ئېغىر دۆلەتلەر تىزىملىكىگە كىرگۈزدى
- قازاقىستان يازغۇچىلىرىنىڭ 13 - قۇرۇلتىيى داغدۇغۇلۇق ئېچىلدى
- ئۆزبېكىستاندا تونۇلغان ئۇيغۇر سەنئەتكار سۇلتان مەمەت ئەپەندى رادىئومىزدا
- شائىر، ئالىمە پاتىگۈل سابىتوۋانىڭ 70 ياشلىقى قۇتلاندى
- ئۇيغۇر ئېلى بالىلىرىنىڭ قەنت- گېزەك ۋە ئويۇنچۇقلىرىنىڭ كۆپ قىسمى ئۆلچەمسىز
- ۋەتەندىكى ئۇيغۇر بالىلىرى بىلەن ياۋرۇپا ئەللىرىدە ياشاۋاتقان ئۇيغۇر بالىلىرىنىڭ پەرقى
- ئۇيغۇرلاردا پەرزەنت تەربىيىسىنىڭ مەسئۇلىيىتى
- تۈركىيىدە يايلاق فېستىۋالى ئۆتكۈزۈلدى
- شىۋىتسىيىدە، ئۈمىد يۇلتۇزى ناملىق مەدەنىيەت كېچىلىكى ئۆتكۈزۈلدى
كۆپ كۆرۈلگەن خەۋەرلەر
RFA
- ئابدۇۋەلى ئايۇپ: «خىتايغا بېرىپ كېلىۋاتقان ئۇيغۇرلارنىڭ كۆپىيىشى جىددىي مەسىلە!»
- تۇرپان كارىزلىرى: ئۇيغۇرلاردىن ئايرىپ، خىتاي شىركەتلىرىنىڭ پايدىسىغا يۈزلەندۈرۈلۈۋاتقان كارىزلار
- «ئۇيغۇر» نامىنى ئۆزگەرتىش نېمىگە زۆرۈر بولۇپ قالدى؟
- ھامۇتخان كۆكتۈرك: خىتاينىڭ پۇلى بىلەن خىتاينىڭ مېھمانى بولۇپ ۋەتەنگە بارغانلار شەرقىي تۈركىستان دەۋاسىغا خىيانەت قىلغان بولىدۇ
- كىكبوكسچى ئابدۇسەمەت تەۋەككۈل: «نىشانىم دۇنيا چېمپىيونى بولۇپ، شەرقىي تۈركىستاننى دۇنياغا تونۇتۇشتۇر»