خىتاي، ئۇيغۇر ئېلىدە مائارىپنى خىتايلاشتۇرۇش قەدىمىنى تىزلەتمەكتە

خىتايدا چىقىدىغان "جۇڭگو مائارىپ گېزىتى" نىڭ 5 - ئاينىڭ 18 - كۈنىدىكى خەۋىرىدە ئاشكارىلىنىشىچە، ھۆكۈمەت ئۇيغۇر ئېلىدىكى 16 ئوبلاست، ۋىلايەتكە تارقالغان 185 ئوقۇتۇش نۇقتىسىدا،" يىراق مۇساپىلىق قوش تىللىق ئوقۇتۇش مەركىزى " نى قۇرغان بولۇپ، بۇ مەكتەپ ئوقۇغۇچىلىرىغا بىرلا ۋاقىتتا ئەدەبىيات، ماتېماتىكا، فىزىكا، خىمىيە، كومپيۇتېر بىلىملىرى دەرسلىرىنى ئىنتېرنېت تورى ئارقىلىق خىتاي تىلىدا ئاڭلاش يولغا قويۇلغان.
ﻣﯘﺧﺒﯩﺮﯨﻤﯩﺰ ﻣﯩﻬﺮﯨﺒﺎﻥ
2009-05-20
Share
Xoten-qosh-til-mek-maw-305 ﺋﯘﻳﻐﯘﺭ ﺋﯧﻠﯩﻨﯩﯔ ﺧﻮﺗﻪﻥ ﯞﯨﻼﻳﯩﺘﯩﺪﯨﻜﻰ ﻣﻪﻟﯘﻡ ﺑﯩﺮ ﻗﻮﺵ - ﺗﯩﻞ ﻣﻪﻛﺘﯩﭙﯩﻨﯩﯔ ﺋﻮﻗﯘﻏﯘﭼﯩﻠﯩﺮﻯ.
AFP Photo

خەۋەردە دېيىلىشىچە، شىنجاڭ پوچتا ئۇچۇر مەركىزى، شىنجاڭ مائارىپ تەتقىقات مەركىزى بىلەن ھەمكارلىشىپ، ئۇيغۇر ئىلىدە " باھار گۈلدۈرمامىسى پىلانى" دەپ نام ئالغان تور ئارقىلىق ئېلىپ بېرىلىدىغان ئېلېكترونلۇق ئوقۇش پائالىيىتى ئېلىپ بارىدىكەن.
 
خىتاي ھۆكۈمىتى 2006 - يىلى 8 - ئاينىڭ 23 - كۈنى " ئۇيغۇر ئاپتونوم رايونلۇق پارتكوم ۋە ھۆكۈمەتنىڭ قوش تىللىق مائارىپ خىزمىتىنى كۈچەيتىش" قارارىنى ئېلان قىلغاندىن بۇيان، دەسلەپكى قەدەمدە يەسلى مائارىپىنى قوش تىللاشتۇرۇشنى خىتاينىڭ 11 - بەش يىللىق پىلانىغا كىرگۈزگەن بولۇپ، خىتاي ھۆكۈمىتى 2010 - يىلىغا قەدەر، قەشقەر، خوتەن، ئاقسۇنى ئۆز ئىچىگە ئالغان جەنۇبىي ئۇيغۇر ئېلىنى ئاساس قىلىپ يەتتە ۋىلايەت، ئوبلاست ۋە 56 ناھىيىدە 258 مىڭ ئاز سانلىق مىللەت بالىلىرىنىڭ ئاڭ تەربىيىسىنى قوش تىل مائارىپىدا يەنى خىتاي تىلىدا ئېلىپ بېرىشنى پىلان قىلغان ئىدى.

ئامېرىكىدىكى ئۇيغۇر زىيالىيسى دوكتور قاھار بارات ئەپەندى، بۇ مەسىلىگە قارىتا ئۆز قارىشىنى بايان قىلىپ، نۆۋەتتە ئۇيغۇر ئېلىنىڭ ھەر قايسى جايلىرىدا يولغا قويۇلۇۋاتقان " باھار گۈلدۈرمامىسى " دەپ نام ئالغان، يىراق مۇساپىلىق ئىنتېرنېت تورى ئارقىلىق ئوقۇتۇش پائالىيىتىنى، خىتاينىڭ 11 - بەش يىللىق پىلانىدىكى ئۇيغۇر ئىلىدە مائارىپنى خىتايلاشتۇرۇش پىلانىنىڭ ئەمەلىيەتتە ئىجرا قىلىنىۋاتقانلىقىنىڭ بىر ئىپادىسى دېيىش مۇمكىن" دەپ كۆرسەتتى.

دوكتۇر قاھار بارات ئەپەندى، خىتاينىڭ " قوش تىللىق مائارىپ " نامىدىكى، مائارىپنى خىتايلاشتۇرۇش سىياسىتىنى ئۇيغۇر ئىلىدە تېزلەشتۈرۈش، خىتاينىڭ ئۇيغۇر تىلىنى مائارىپ ساھەسىدىن سىقىپ چىقىرىش ئۇچۇن قوللىنىۋاتقان ۋاسىتىسى ئىكەنلىكىنى بايان قىلىپ ئۆتتى.

دوكتۇر قاھار بارات ئەپەندى سۆزىنىڭ ئاخىرىدا يەنە، خىتاي ھۆكۈمىتىنىڭ ئۇيغۇر ئىلىدە كۈچەپ يۈرگۈزۈۋاتقان قوش تىللىق مائارىپ سىياسىتىنىڭ ھەقىقىي ماھىيىتى، ئەمەلىيەتتە ئۇيغۇر ئەۋلادلىرىنى ئانا تىل مائارىپىدىن ئايرىۋېتىش، ھەم ئاخىرقى ھېسابتا ئۇيغۇر تىلىنى مائارىپ ساھەسىدىن سىقىپ چىقىرىش ئىكەنلىكىنى تەكىتلىدى.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت