Xitay, Uyghur élide ma'aripni xitaylashturush qedimini tizletmekte

Xitayda chiqidighan "junggo ma'arip géziti" ning 5 - ayning 18 - künidiki xewiride ashkarilinishiche, hökümet Uyghur élidiki 16 oblast, wilayetke tarqalghan 185 oqutush nuqtisida," yiraq musapiliq qosh tilliq oqutush merkizi " ni qurghan bolup, bu mektep oqughuchilirigha birla waqitta edebiyat, matématika, fizika, ximiye, kompyutér bilimliri derslirini intérnét tori arqiliq xitay tilida anglash yolgha qoyulghan.
Muxbirimiz mihriban
2009-05-20
Share
Xoten-qosh-til-mek-maw-305 Uyghur élining xoten wilayitidiki melum bir qosh - til mektipining oqughuchiliri.
AFP Photo

Xewerde déyilishiche, shinjang pochta uchur merkizi, shinjang ma'arip tetqiqat merkizi bilen hemkarliship, Uyghur ilide " bahar güldürmamisi pilani" dep nam alghan tor arqiliq élip bérilidighan éléktronluq oqush pa'aliyiti élip baridiken.
 
Xitay hökümiti 2006 - yili 8 - ayning 23 - küni " Uyghur aptonom rayonluq partkom we hökümetning qosh tilliq ma'arip xizmitini kücheytish" qararini élan qilghandin buyan, deslepki qedemde yesli ma'aripini qosh tillashturushni xitayning 11 - besh yilliq pilanigha kirgüzgen bolup, xitay hökümiti 2010 - yiligha qeder, qeshqer, xoten, aqsuni öz ichige alghan jenubiy Uyghur élini asas qilip yette wilayet, oblast we 56 nahiyide 258 ming az sanliq millet balilirining ang terbiyisini qosh til ma'aripida yeni xitay tilida élip bérishni pilan qilghan idi.

Amérikidiki Uyghur ziyaliysi doktor qahar barat ependi, bu mesilige qarita öz qarishini bayan qilip, nöwette Uyghur élining her qaysi jaylirida yolgha qoyuluwatqan " bahar güldürmamisi " dep nam alghan, yiraq musapiliq intérnét tori arqiliq oqutush pa'aliyitini, xitayning 11 - besh yilliq pilanidiki Uyghur ilide ma'aripni xitaylashturush pilanining emeliyette ijra qiliniwatqanliqining bir ipadisi déyish mumkin" dep körsetti.

Doktur qahar barat ependi, xitayning " qosh tilliq ma'arip " namidiki, ma'aripni xitaylashturush siyasitini Uyghur ilide tézleshtürüsh, xitayning Uyghur tilini ma'arip sahesidin siqip chiqirish uchun qolliniwatqan wasitisi ikenlikini bayan qilip ötti.

Doktur qahar barat ependi sözining axirida yene, xitay hökümitining Uyghur ilide küchep yürgüzüwatqan qosh tilliq ma'arip siyasitining heqiqiy mahiyiti, emeliyette Uyghur ewladlirini ana til ma'aripidin ayriwétish, hem axirqi hésabta Uyghur tilini ma'arip sahesidin siqip chiqirish ikenlikini tekitlidi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet