Лондонниң мәркизидә уйғур нахша-музикиси яңриди

• Ихтияри мухбиримиз әркин таримниң бу һәқтики мәлумати
• Download story audio

Сәнәткарлар уйғур сәнитини намаян қилмақта. (Әнгилийә уйғур җәмийити рәсими)

Өткән һәптиниң шәнбә вә йәкшәнбә күнлири хәлқаралиқ паналанғучилар күни мунасивити билән әнгилийиниң пайтәхти лондонда һәр қайси милләтләрниң хатириләш күни болуп өтти. Әнгилийидики уйғур җәмийити вәкиллири, уйғур сәнәт өмики тәклип қилип бу паалийәттә талланған уйғур нахша-усуллирини тамашибинларға көрсәткән. Шундақла уйғурларни тонутқан китабчиларни тарқатқан. Уйгур хәлқ нахшилиридин гүлмәрәм, мудәнхан, қапқара қой көзлүгүм, даванчиң қатарлиқ нахшилири тамашибинларниң қизғин алқишиға еришти.

Бу мунасивәт билән түркийиниң әнқәрә шәһридә турушлуқ ихтияри мухбиримиз әркин тарим әнгилийиниң пайтәхти лондондики паалийәт мәркизигә телефон қилип, әнгилийә уйғур җәмийити башлиқи иляр пәхирдин әпәнди вә бу паалийәткә қатнашқан уйғурлар билән сөһбәтләшти.

Бу һәқтики тәпсилий мәлуматларни, ихтияри мухбиримиз әркин таримниң әнгилийә уйғур җәмийити башлиқи иляр пәхирдин әпәнди билән өткүзгән сөһбитидин аңлаң.