Erkin ekrem: Uyghurlarning milliy musteqilliq herikiti xelq'ara qanun'gha muwapiq

4 - Awghust künidiki hujumda öltürülgen 16 xitay qoralliq saqchi xadimlirining aile - tawabatliri aptobuslarda, matem murasim meydanigha élip kéliniwatqan körünüsh. 2000 Gha yéqin uyghurlarmu matem murasimigha qatnashqan bolup, bir nechche kishiler AFP muxbirigha özlirining matemge buyruq bilen qatnishiwatqanliqini éytqan.

 Bügün qeshqerde Uyghurning xitay saqchilirigha pichaq tiqip 3 saqchini öltürgenlik xewiri, kishilerning kallisida her xil so'allarni peyda qilmaqta. Uyghurlar élip barghan bu hujumlarning burunqi hujumlardin néme perqi bar? bu weqelerning tesiri néme? bundaq jiddiy bir weziyette chet'elde pa'aliyet élip bériwatqan sherqiy türkistan ammiwiy teshkilatliri némilerni qilishi kérek? dégen'ge oxshash so'allargha jawab tépish üchün enqere hajettepe uniwérsitéti oqutquchisi istratégiye mutexessisi doktor erkin ekrem ependi bilen söhbet élip barduq.

Doktor erkin ekrem ependi, burunqi weqelerde Uyghurlar aptobus partlitishqa oxshash ammiwiy sorunlarni partlatqan bolsa, kéyinki bir heptide meydan'gha kelgen hujumlarda xitay xewpsizlik xadimlirigha hujum élip barghanliqini, buning Uyghur pa'aliyetchilirining taktika sewiyisidin istratégiyilik sewiyige yukselgenlikining yeni Uyghur pa'aliyetchilirining ang sewiyisiningmu öskenlikining bir ipadisi ikenlikini éytti.

Doktor erkin ekrem ependi yene sözide, xewpsizlik xadimlirigha élip bérilghandek hujumlarning milliy musteqilliq herikiti ikenlikini, buning birleshken döletler teshkilati teripidin qobul qilin'ghan xelq'ara qanun'gha muwapiq ikenlikini tekitlidi. U sözining axirida chet'elde pa'aliyet élip bériwatqan sherqiy türkistan teshkilatlirining bundaq jiddiy weziyette némilerni qilishi kérekliki heqqidimu öz köz qarashlirini otturigha qoyup ötti.

Yuqiridiki awaz ulinishidin, bu heqtiki ziyaritimizning tepsilatini diqqitinglargha sunimiz.