Uyghur ta'amliri nyu-yorkta


2007-07-17
Share

Sherq we gherb tamaq medeniyetlirini özlirige mujessem qilish bilen birge özige xas bolghan mol tamaq medeniyitini berpa qilghan Uyghurlar özlirining bu medeniyitini dunyaning her qaysi jaylirigha özliri bilen birge élip barmaqta hemde belgilik derijide kéngeytmekte.

Uyghur tamaq medeniyiti tetqiqatchilirining éytishiche ötken esirning 50-60-yillirida Uyghur élidin sabiq sowét ittipaqigha köchüp chiqqan Uyghurlar özlirining ene shu mol tamaq medeniyitini qérindash özbék, qazaq, qirghiz, türkmen qatarliq her qaysi türkiy xelqler arisigha kéngeytip, ularning milliy tamaq medeniyitining tereqqi qilishi we mollishishihün zor töhpe qoshqan idi. Uyghur ashpez ustamlar öz hünerliri bilen kishilerni hozurlandurupla qalmay, belki yerlik ashpezlerge hemde yerlik ahalilargha Uyghur tamaq türlirini ögetken. Hazirning özidimu, köpligen Uyghurlar almuta, bishkek we tashkent qatarliq chong kichik sheherliride Uyghur tamaqlirini asas qilghan yémek-ichmek sodisi yeni résturan-ashxanilarni échish bilen tirikchiliq qilidu, Uyghur ta'amliri izchil türde ottura asiya xelqlirining yaxshi körishige ériship kelmekte.

Yéqinqi bir qanche yillardin buyan Uyghurlarning amérika we yawropa ittipaqigha tarqilishi bilen,u yerlerdimu Uyghur réstoranliri échilishqa hemde Uyghur ta'amliri shuningdek buninggha qoshulup, Uyghur medeniyiti téximu keng da'ire boyiche bilinishke bashlidi.

Amérikining nyu-york shehiride échilghan "qeshqer adalet" Uyghur réstorani heqqide öz muxbirimiz ümidwarning neq meydandin bergen söhbitini anglaysiler.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet