Uyghur mesilisini iqtisadiy tedbir bilen hel qilghili bolamdu?

Xitay hökümiti wang léchüenni yötkiwétip, uning ornigha jang chünshenni teyinligendin kéyin sherqiy türkistanda yüz bergen özgirishler heqqide, türkiyidiki istratégiye we chüshenche inistitotining tetqiqatchisi erkin ekrem mulahize élan qildi.
Muxbirimiz weli
2010-05-06
Share
Uyghur-bolghan-kunlirim-305.jpg Süret, 5 - iyul ürümchi qanliq weqesidin kéyin, ürümchi kochilirining biride, köydürüwétilgen bir mashinining yénidin ötüp kétiwatqan bir kichik uyghur balisining körünüshi.
www.thefirstpost.co.uk Din élindi.

Chet'ellerde we xitayda élan qilin'ghan xewerdin melum bolushiche, xitay hökümiti yéqinda wang léchüenni aptonom rayon sékrétarliqdin élip tashlap, uning ornigha jang chünshenni teyinlidi. Shuning bilen birge yene, bu rayon'gha héchqachan körülmigen derijide köp meblegh sélishqa bashlidi. Yéngi kelgen bu sékrétar hazir wang léchüenning 'muqimliq birinchi orunda turidu ' dégen siyasitini tilgha almay 'xelqni bay qilish birinchi orunda turidu' dep jakarlidi. U, wang léchüenning 'üch xil küchlerge qattiq zerbe bérish' dégen siyasitinimu peqet tilgha almidi.

'Bu, peqet xitay hökümitining taktika özgertkenliki'

Türkiyidiki istratégiye we chüshenche inistotining tetqiqatchisi erkin ekremning qarishiche, bu, peqet xitay hökümitining taktika özgertkenliki. Uyghur mesilisi iqtisadiy tedbir bilenla hel qilghili bolidighan mesile emes.

'Xitayning wang léchüenni yötkep kétishi xuddi jang keyshining shéng shiseyni yötkep ketkinige oxshaydu'

Doktor erkin ekremning qarishiche, xitay hökümitining wang léchüenni yötkep kétish tedbiri xuddi jang keyshining shéng shiseyni yötkep ketkinige oxshaydu. Xitay hökümiti hazirqidek bundaq tedbir özgertish arqiliq sherqiy türkistanni bashqurushta yenila chong ünüm qazinalmaydu.

Xitayning iqtisadiy jehettin térrorchiliqqa qarshi turush charisi

B b s ning 5 ‏- may küni élan qilghan obzorida, xitay hökümitining hazir yéngi chégragha on milyardlap meblegh salghanliqini 'iqtisadiy jehettin térrorchiliqqa qarshi' charisi dep bayan qildi. 'Xitaygha nezer tor géziti'de, xitay hazir yéngi chégrada muqimliqni saqlash üchün nahayiti köp meblegh salmaqta dep bayan qildi.

'Boshün tor géziti'de xitay hökümiti 'mötidil, ochuq - yoruq, xelqsöyer, rehberlik tejribisi mol ' dep péchet chaplap ewetken yéngi sékrétar jang chünshen xunende peyda qilghan adaletsizliklerni pash qilidighan maqaliler élan qilindi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet