Б д т да уйғурлар мәсилиси тәкрар оттуриға қоюлди

Д у қ ниң программа йетәкчиси яна брандит ханим 16-июн күни б д т кишилик һоқуқ кеңишиниң 17-нөвәтлик йиғинида уйғурлар мәсилисини тәкрар оттуриға қойди.
Ихтиярий мухбиримиз әкрәм
2011.06.20
uyghur-xerite-305.jpg Уйғур ели хәритиси.
RFA

Дуня уйғур қурултийиниң программа йетәкчиси яна брандит ханимниң бәргән мәлуматлириға асасланғанда, у 6-айниң 16-күни җәнвәдә чақириливатқан б д т кишилик һоқуқ кеңишиниң 17-нөвәтлик йиғинида радикал партийә намидин сөзгә чиқип, уйғурлар мәсилисини тәкрар оттуриға қойған. Мәлумки, яна ханим 6-айниң 6-күни бу йиғинда вакаләтсиз милләтләр тәшкилати намидин сөзгә чиқип, қазақистан тәрипидин хитайға қайтуруп берилгән әршидин исраил мәсилисини оттуриға қоюп, йиғинға қатнишиватқан һәрқайси дөләтләрниң күчлүк диққитини қозғиған иди. яна ханимниң билдүрүшичә, у 6-айниң 16-күни қилған сөзидә 5-июл үрүмчи вәқәсидә тутқун қилинғанлар, өлтүрүлгәнләр, из-дерәксиз йоқап кәткәнләр мәсилисини һәм хитайда изчил давам қиливатқан өлүм җазалири мәсилисини оттуриға қойған.

Яна ханимниң билдүрүшичә, бу қетим америка қошма штатлири, чех җумһурийити вә бәзи хәлқаралиқ тәшкилатлар вәкиллириму уйғурлар мәсилисини оттуриға қоюп, хитайни уйғурларға қиливатқан бу һәқсизлиқлардин қол үзүшкә чақирған. Йиғинда йәнә уйғурларға қаритилған ахбарат әркинлики чәклимиси қатарлиқ бир қатар мәсилиләрму тилға елинип өтүлгән.

Д у қ баш катипи долқун әйса әпәнди, б д т ниң 17-нөвәтлик кишилик һоқуқ кеңиши йиғинида арқа-арқидин икки қетим уйғурлар мәсилисиниң оттуриға қоюлуши сәвәблик, хәлқара җамаәт вә һәрқайси дөләтләрниң уйғурлар мәсилисигә болған қизиқиши техиму күчәйгәнликини, д у қ ниң бу мәқсәткә йетиш үчүн бирқанчә ай паал һәрикәт елип барғанлиқини тәкитлиди. У сөзидә, яна ханимниң бу қетимқи йиғинда 5-июлға аит бәзи материялларни йиғин әһлиниң диққитигә сунғанлиқини, болупму йеңидин ашкариланған хитай әскири вә сақчи күчлириниң өйму- өй ахтуруп уйғур яшлирини тутқун қиливатқан видио көрүнүшлири арқилиқ, йиғин әһлидә уйғурларға болған күчлүк һесдашлиқни шәкилләндүргәнликини әскәртти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.