Yaponiyining tokyo we osaka sheherliride Uyghur mesilisi heqqide yighin chaqirildi

Süret, yaponiyide chaqirilghan "uyghurlarning kelgüsi we yaponiyining mesuliyiti" dégen témidiki muhakime yighinlirida dunya uyghur qurultiyining muawin reisliri ömer qanat, séyit tümtürk we yaponiye uyghur jemiyitining bashliqi ilham mexmut, shundaqla yaponluq sahipxanlarning söz qiliwatqan körünüshliridin.

Tokyoda ötküzülgen yighinda aldi bilen dunya Uyghur qurultiyining mu'awin re'isliri ömer qanat, séyit tümtürk we yaponiye Uyghur jem'iyitining bashliqi ilham mexmut  söz qildi.

Yighin'gha tokyo takoshoku uniwérsitéti  yapon medeniyiti tetqiqat merkizining proféssori séki'oka ependi riyasetchilik qilghan bolup, yaponiyining dangliq zhurnalisti yoshiko sakorayi xanim alahide teklip boyiche söz qilghan.

Osaka shehiride ötküzülgen muhakime yighinimu üch sa'et etrapida dawamlashqan bolup, mezkur yighinda yuqirida ismi atalghan kishiler söz qilghan. Bulardin bashqa yene yaponiye Uyghur jem'iyitining omumiy yighini chaqirilghan.

Yuqiridiki awaz ulinishidin, séyit tümtürk, ömer qanat we ilham mexmut qatarliq ependiler bilen yuqiriqi yighinlar heqqide élip barghan söhbetlirimizning tepsilatini anglaysiler.