Uyghur chalghu eswabliri mesilisi xelq'ara yighinda

• Muxbirimiz erkin tarimning bu heqtiki toluq melumati
• Download story audio

12- Ayning 14- küni türkiyining qoja'eli uniwérsitétida "xelq muzikisida chalghu eswabliri" mawzuluq xelq'araliq ilmiy muhakime yighini chaqirildi. Bu yighin'gha amérika qoshma shtatliri, ezerbeyjan, rusiye fédératsiyisi we makédoniye qatarliq döletlerdin kelgen 35 etrapida muzikishunas qatnashqan we söz qilghan.

Bu ilmiy muhakime yighinida izmir ege uniwérsitéti oqutquchisi adem öger ependi "Uyghur türkliride bezi chalghu eswabliri we xitay medeniyitige bolghan tesiri " témisida, enqere gazi uniwérsitéti muzika oqutquchisi prof. Dr. Nezihe shenturk xanim "sherqiy türkistan Uyghur chalghuliri" témisida, koja'eli uniwérsitéti tarix oqutquchisi dr. Sema orsoy xanim bolsa " xitayche tarixi menbelerde türklerde xitay we tibetler bilen ortaq bolghan chalghular" témisida söz qilghan.

Biz bu ilmiy muhakime yighinida Uyghur chalghu eswablirini etrapliq tonushturghan enqere gazi uniwérsitéti muzika oqutquchisi prof. Dr. Nezihe shenturk xanim bilen téléfon ziyariti élip barduq. U, bu ilmiy muhakime yighinida Uyghurlarning muzika tarixi we bügünki weziyiti heqqide qisqiche melumat bergendin kéyin Uyghur chalghu eswablirini etrapliq tonushturup ötken. Kéyin ilmiy muhakime yighinigha, türkiyidiki pütün muzika fakultétlirida Uyghur chalghu eswablirini tonushturidighan we Uyghur muzikisi ögitidighan derslerni tesis qilish kérekliki heqqide teklip sun'ghan.

Biz bu ilmiy maqalini chöridigen halda enqerediki ixtiyari muxbirimiz erkin tarim prof. Dr. Nezihe shenturk xanim bilen téléfon ziyariti élip bardi. (Erkin tarim)