Uyghur oqughuchigha bérilgen wede


2008-02-14
Share

Ertekin-Exmetjan-150.jpg
Muzepper eryilmaz ependining toluq ottura mektep oqughuchisi exmetjan'gha kitab depter soghat qiliwatqan süret. Süret: höriyet gézitining 2-ayning 11-künidiki sanid'in élindi. RFA / Erkin Tarim

Türkiyining eng chong gézitliridin biri bolghan höriyet gézitining 2-ayning 11-künidiki sanida `bashliq wede berdi` mawzuluq xewer élan qilindi. Gézitning 1-bétide yer bérilgen xewerde enqerening eng chong rayonliridin biri bolghan chanqaya rayonining bashliqi muzepper eryilmaz ependining Uyghur diyaridin kélip enqere gazi toluq ottura mektipide oquwatqan we bu mewsumide ela netijilerni qolgha keltürgen ertékin exmetjanni ishxanisida qobul qilip, uning derdini anglighanliqi, xitayda yashawatqan Uyghur türklirining weziyitini anglighandin kéyin, Uyghur oqughuchi ertékin exmetjan'gha oqush hayati boyiche oqush puli we kitab depter yardimi qilidighanliqi heqqide wede bergenliki yézilghan. Xewerning üstige toluq ottura mektep oqughuchisi exmetjan'gha kitab depter soghat qiliwatqan resimge yer bérilgen.

Xewerde mundaq déyilgen:"chanqaya rayoni bashliqi muzepper eryilmaz ependi, türkiyige kélip oquwatqan Uyghur türki ertékin exmetjan'gha oqush hayati boyiche oqush puli we her xil yardemlerni qilidighanliqi heqqide wede berdi. Rayon bashliqi eryilmaz ependi, 'Uyghur türklirining xitayda qéyin weziyette yashawatqanliqini uqqandin kéyin qérindishim ertékin exmetjan'gha qolimizdin kélishiche yardem qilimiz,' dédi."

Biz bu heqte shundaqla türkiyide oquwatqan Uyghur oqughuchilar heqqide téximu tepsili melumat élish üchün uzun yillardin buyan oqughuchi ishliri bilen shughullinip kéliwatqan sherqiy türkistan wexpi bash sékrétari hamut göktürk ependi bilen téléfon ziyariti élip barduq. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet