Уйғурлар қандақ башқуруливатиду? ‏--- бир " нәмуничи" ниң ейтқанлири


2007-11-02
Share

Сотсиялистик мәнивий мәдәнийәт қурулуши,хитай, уйғур елидә 50 йилдин бери изчил чиң тутуп келиватқан икки чоң қурулушниң бири. Диң шиавпиң дәвридә " 4 тә гүзәл, 3 тә мәдәнийәтлик болуш" җяң земин дәвридә " үчни қизғин сөйүш," ху җинтав дәвридә болса " сәккиз ишни номус билиш" қатарлиқ һәр хил намлар астида елип бериливатқан бу қурулуш, уйғурлар арисида қандақ бир инсан типини вуҗудқа кәлтүрди? буниң нәтиҗисидә уйғурлар бүгүн қандақ башқуруливатиду? бу соалға, мәкит наһийисидики бир нәпәр милләтләр иттипақлиқи үлгиси билән өткүзгән сөһбитимиз, бир нуқтидин җавап болалайду.

Уйғур диханлириниң ечинишлиқ налиси. Бу син - алғу You tube дин елинди.

" Коҗаңлар кәтти, туққанлири йәрләшти"

Қасим реһим мәкит наһийисидики үлгилик бир компартийә әзаси, наһийигә бивастә қарашлиқ бағвәнчилик мәйданиниң башлиқи, униң вәзипә өтәш җәрянда көрсәткән әң чоң хизмити: хитай көчмәнлиригә кәң қучақ ечиш.

Үлгилик компартийә әзаси қасим реһимниң ейтқан сөзлирини, йеқинда, японийилик бир мухбир тәрипидин зиярәт қилинған деһқанларниң шикайәтлири қәтий рәт қилиду.

Деһқан: суни пулға сетивалимиз, һашарға бикарлиқ ишләймиз

Қасим реһимниң уйғур деһқанлириниң турмуши яхши дегән қаришини, уйғур елидин йеқинда чиққан, һазир голландийидә яшаватқан уйғур зиялийлиридин садиқ турсун әпәндиниң сөзлириму инкар қилиду.

Әгәр, қәшқәр деһқанлири билән садиқ турсун әпәндиниң ейтқанлири раст дәп қаралса, у чағда қасим реһимниң сөзлигәнлири ялған болуп һесаблиниду.

Дуняниң һәммила йеридә, тарихниң пүтүн басқучлирида, ялған сөзләш әхлақсизлиқ санилиду; қанун билән башқурулуватқан дөләтләрдә, ялған сөзләш бирәр шәхс яки колликтипқа зиян кәлтүрсә, сотқа тартилип җазалиниду; әмма қасим реһим, мәйдан башлиқи қилип өстүрүлгән, наһийилик хәлқ қурултийи даимий комитетида вәзипә өтигән, аптоном район вә мәркәз тәрипидин милләтләр иттипақлиқи үлгиси қилип тәқдирләнгән.

Қасим реһим: партийиниң сияситини тәң тәшвиқ қилайли

Кишини ойға салидиғини, қасим реһим дунядин пүтүнләй хәвәрсиз, у дунядики барлиқ ахбарат орунлирини хитай компартийисиниң тәшвиқат қорали дәп чүшиниду, барлиқ мухбирларни компартийиниң тәшвиқатчиси дәп билиду, дуняда һечқандақ партийә ‏- һөкүмәткә беқинмайдиған мустәқил ахбарат органлириниң барлиқидин хәвири йоқ.

Һөрмәтлик радио аңлиғучилар, бүгүн уйғур нопусиниң %90 и деһқан, демәк уйғур җәмийити бүгүн онмиңлиған қасим реһимлар тәрипидин башқуруливатиду, әгәр бир җәмийәтниң мушу хил лаяқәтсиз кишиләр тәрипидин башқурулуши адаләтсизлик яки шу җәмийәткә зиянкәшлик һесабланса, бу йәрдики мәсулийәт кимдә?

Қасим реһим типидики кишиләрдиму яки мушу хил типни яратқанлардиму? бу соалниң җаваби, аңлиғучилиримизниң ойлинишиға һавалә. Бизниң бу йәрдә пәқәт йәткүзидиғинимиз: уйғур елидә елип бериливатқан сотсиялистик мәнивий мәдәнийәт қурулушиниң уйғур җәмийитидики бир қисим кишиләргә әқлий вә әхлақий җәһәттин селиватқан бузғунчилиқидур. (Шөһрәт һошур)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт