Uyghurlar qandaq bashquruliwatidu? ‏--- bir " nemunichi" ning éytqanliri

2007-11-02
Élxet
Pikir
Share
Print

Sotsiyalistik meniwiy medeniyet qurulushi,xitay, Uyghur élide 50 yildin béri izchil ching tutup kéliwatqan ikki chong qurulushning biri. Ding shi'awping dewride " 4 te güzel, 3 te medeniyetlik bolush" jyang zémin dewride " üchni qizghin söyüsh," xu jintaw dewride bolsa " sekkiz ishni nomus bilish" qatarliq her xil namlar astida élip bériliwatqan bu qurulush, Uyghurlar arisida qandaq bir insan tipini wujudqa keltürdi? buning netijiside Uyghurlar bügün qandaq bashquruliwatidu? bu so'algha, mekit nahiyisidiki bir neper milletler ittipaqliqi ülgisi bilen ötküzgen söhbitimiz, bir nuqtidin jawap bolalaydu.

Uyghur dixanlirining échinishliq nalisi. Bu sin - alghu You tube din élindi.

" Kojanglar ketti, tuqqanliri yerleshti"

Qasim réhim mekit nahiyisidiki ülgilik bir kompartiye ezasi, nahiyige biwaste qarashliq baghwenchilik meydanining bashliqi, uning wezipe ötesh jeryanda körsetken eng chong xizmiti: xitay köchmenlirige keng quchaq échish.

Ülgilik kompartiye ezasi qasim réhimning éytqan sözlirini, yéqinda, yaponiyilik bir muxbir teripidin ziyaret qilin'ghan déhqanlarning shikayetliri qet'iy ret qilidu.

Déhqan: suni pulgha sétiwalimiz, hashargha bikarliq ishleymiz

Qasim réhimning Uyghur déhqanlirining turmushi yaxshi dégen qarishini, Uyghur élidin yéqinda chiqqan, hazir gollandiyide yashawatqan Uyghur ziyaliyliridin sadiq tursun ependining sözlirimu inkar qilidu.

Eger, qeshqer déhqanliri bilen sadiq tursun ependining éytqanliri rast dep qaralsa, u chaghda qasim réhimning sözligenliri yalghan bolup hésablinidu.

Dunyaning hemmila yéride, tarixning pütün basquchlirida, yalghan sözlesh exlaqsizliq sanilidu؛ qanun bilen bashquruluwatqan döletlerde, yalghan sözlesh birer shexs yaki kolliktipqa ziyan keltürse, sotqa tartilip jazalinidu؛ emma qasim réhim, meydan bashliqi qilip östürülgen, nahiyilik xelq qurultiyi da'imiy komitétida wezipe ötigen, aptonom rayon we merkez teripidin milletler ittipaqliqi ülgisi qilip teqdirlen'gen.

Qasim réhim: partiyining siyasitini teng teshwiq qilayli

Kishini oygha salidighini, qasim réhim dunyadin pütünley xewersiz, u dunyadiki barliq axbarat orunlirini xitay kompartiyisining teshwiqat qorali dep chüshinidu, barliq muxbirlarni kompartiyining teshwiqatchisi dep bilidu, dunyada héchqandaq partiye ‏- hökümetke béqinmaydighan musteqil axbarat organlirining barliqidin xewiri yoq.

Hörmetlik radi'o anglighuchilar, bügün Uyghur nopusining %90 i déhqan, démek Uyghur jem'iyiti bügün onminglighan qasim réhimlar teripidin bashquruliwatidu, eger bir jem'iyetning mushu xil layaqetsiz kishiler teripidin bashqurulushi adaletsizlik yaki shu jemiyetke ziyankeshlik hésablansa, bu yerdiki mes'uliyet kimde?

Qasim réhim tipidiki kishilerdimu yaki mushu xil tipni yaratqanlardimu? bu so'alning jawabi, anglighuchilirimizning oylinishigha hawale. Bizning bu yerde peqet yetküzidighinimiz: Uyghur élide élip bériliwatqan sotsiyalistik meniwiy medeniyet qurulushining Uyghur jem'iyitidiki bir qisim kishilerge eqliy we exlaqiy jehettin séliwatqan buzghunchiliqidur. (Shöhret hoshur)

Pikirler (0)
Share
Toluq bet