Русийә қәдимки уйғур шәһирини әслигә кәлтүрүш ишлириға уйғурларни тәклип қилмақта


2008.02.25

Милади 8-әсирдики орхун уйғур қағанлиқиниң қағани муюнчур тәрипидин салдурулған, кейин намәлум сәвәбләр түпәйлидин вәйран болуп кәткән мәзкур қәлә тува җумһурийитиниң моңғулийә билән чегрилинидиған терә көл дәп аталған колниң оттурисидики бир аралға җайлашқан болуп, алдинқи йили русийә алаһидә ишлар министири сергей шойгуниң тәшәббуси билән мәзкур қәлә үстидин илмий тәкшүрүш елип бериш һәмдә уни қайтидин қуруп чиқиш пилани түзүлүп, русийә һөкүмити, җүмлидин президент путинниң қоллишиға еришкән һәтта, президент путин өткән йили бу йәрни биваситә зиярәт қилған иди.

20-Феврал күни москвадики пор-баҗин қәдимки уйғур қәләси мәдәнийәт фонди қазақистан җумһурийәтлик уйғур мәдәнийәт мәркизини москваға тәклип қилип, қазақистан уйғурлирини мәзкур пиланға қатнишишқа чақирди. Қазақистан җумһурийәтлик мәдәнийәт мәркизиниң рәһбәрлиридин бири, доктор аблиз абдуллайев әпәнди москвада зиярәттә болуп, русийә тәрәп билән бир қатар һәмкарлиқ пиланини музакирә қилди.

юқиридики улиништин, силәр оз мухбиримиз үмидварниң москваға берип, русийә тәрәп билән учришип қайтқан доктор аблиз абдуллайев әпәнди билән елип барған сөһбитини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.