Rusiye qedimki Uyghur shehirini eslige keltürüsh ishlirigha Uyghurlarni teklip qilmaqta


2008.02.25
Share on WhatsApp
Share on WhatsApp

Miladi 8-esirdiki orxun Uyghur qaghanliqining qaghani muyunchur teripidin saldurulghan, kéyin namelum sewebler tüpeylidin weyran bolup ketken mezkur qel'e tuwa jumhuriyitining mongghuliye bilen chégrilinidighan tére köl dep atalghan kolning otturisidiki bir aralgha jaylashqan bolup, aldinqi yili rusiye alahide ishlar ministiri sérgéy shoyguning teshebbusi bilen mezkur qel'e üstidin ilmiy tekshürüsh élip bérish hemde uni qaytidin qurup chiqish pilani tüzülüp, rusiye hökümiti, jümlidin prézidént putinning qollishigha érishken hetta, prézidént putin ötken yili bu yerni biwasite ziyaret qilghan idi.

20-Féwral küni moskwadiki por-bajin qedimki Uyghur qel'esi medeniyet fondi qazaqistan jumhuriyetlik Uyghur medeniyet merkizini moskwagha teklip qilip, qazaqistan Uyghurlirini mezkur pilan'gha qatnishishqa chaqirdi. Qazaqistan jumhuriyetlik medeniyet merkizining rehberliridin biri, doktor abliz abdullayéw ependi moskwada ziyarette bolup, rusiye terep bilen bir qatar hemkarliq pilanini muzakire qildi.

Yuqiridiki ulinishtin, siler oz muxbirimiz ümidwarning moskwagha bérip, rusiye terep bilen uchriship qaytqan doktor abliz abdullayéw ependi bilen élip barghan söhbitini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.