Xitayda xarlan'ghan bir Uyghur qizning bayani

• Muxbirimiz welining bu heqtiki toluq melumati
• Download story audio

Radi'omizning heqsiz téléfon léniyisi arqiliq téléfon qilghan bir Uyghur qizning éytip bérishiche, bu Uyghur qiz 'besh yüz yu'en ma'ash bérilidu' dep ürümchidin shangxeyge aldap kétilgendin kéyin, xitayning tansixanisigha sétiwitilgen. "Men xarlandim" dep jakarlidi bu Uyghur qizi.

Bu Uyghur qiz xitayning tansixanisida jinsi mulazimetke zorlan'ghan

Radi'omizning heqsiz téléfon léniyisi arqiliq téléfon qilghan bu Uyghur qizning bayanigha qarighanda, bu Uyghur qiz xitayning tansixanisida jinsi mulazimetke zorlan'ghan. U özining xarliniwatqanliqigha chidimay, xitay saqchilirigha shikayet qilghan bolsimu, emma xitay saqchiliri uninggha yardem bermigen.

Bu Uyghur qizni bir Uyghur yigit qutquzghan

Radi'omizning heqsiz téléfon léniyisi arqiliq téléfon qilghan bir Uyghur qizning bayanigha qarighanda, xitay tansixanisining xojayini bu Uyghur qizning qoligha pul bermigen we sirtqa chiqarmighan.

Bu Uyghur qiz xitayche til bilmigechke hem chong sheherning yollirini bilmigechke, xarliniwatqan jaydin qéchip kételmigen. Axir, bu Uyghur qizni bir Uyghur yigit qutuldurghan.

Xitayning bashqa sheherliride mushundaq xarliniwatqan Uyghur qizliri yene bar

Radi'omizning heqsiz téléfon léniyisi arqiliq téléfon qilghan bu Uyghur qizning bayanigha qarighanda, bu Uyghur qiz hazir xitay sheherliride ushshaq tijaret bilen tirikchilik qiliwatqan Uyghur jama'itining hémayiside turuwatidu, u hazir xarlanmaydu hem turmushida qéyinchiliq yoq.

Emma bu Uyghur qiz uz yurtigha qaytip kétishtin qorqidu. Xitaylar bilen 'xizmet dogwari' tüzüp ichkirige kelgendin kéyin, mushundaq shekilde xarliniwatqan Uyghur qizliri bashqa xitay sheherliride özining Uyghur ikenlikini yushurup kün ötküziwatidu.

Bu mezmunlarni emdi shu qizning öz aghzidin, yuqurdiki ulunishtin anglanglar. (Weli)