Уйғур сәнәткарлири вә уйғурларниң сиясий мәсилиси

Сәнәт билән сиясәтниң мунасивити демократик дөләтләрдә аллиқачан һәл қилинип болған бир мәсилидур. Диктатор дөләтләрдә, болупму комунист дөләтләрдә бу йәнила җиддий бир мәсилә сүпитидә җәмийәткә тәсир көрсәтмәктә.
Мухбиримиз шөһрәт һошур
2009-04-07
Share
Boriler-Wadisi-Sh-Turkistan-305 Нида студийиси ишлигән " бөриләр йурти шәрқи түркистан" намлиқ тәқлидий филимниң көрүнүшлиридин бири.
Youtube Дин елинди.

Муһаҗирәттики бир қисим уйғур сәнәткарлири ғәрб қиммәт қарашлири бойичә сәнәткарларниң сиясәткә арилашмаслиқини тәшәббуси қилса; йәнә бир қисим уйғур сәнәткарлар уйғурларниң әмәлий әһвалини нәзәрдә тутқан һалда, сәнәткарларниңму сиясәткә арилишиши керәкликини, һәтта арилишиш мәсулийити барлиқини тәшәббус қилмақта.

Голландийидики "нида" студийисиниң қурғучиси, аваз әртиси абдусалам уйғур сәнәткарларниң сиясәткә арилишиш мәҗбурийити бар дәп қариғучи сәнәткарлардиндур.
 
Уйғурлар асарәткә чүшкәндин буян, уйғур сәнәткарлири сиясәткә арилишипла әмәс, бәлки сиясәткә йетәкчилик қилип кәлмәктә. 1930 ‏- Йиллардики хотән инқилабиниң қомандани муһәммәд имин буғра тарихчи һәм шаир иди.

2003 - Йили хитай һөкүмиити тәрипидин террорчилар дәп елан қилинған 11 паалийәтчидин бири йәни шәрқи түркистан азадлиқ тәшкилатиниң рәһбири мәмтимин һәзрәт әслидә бир синарист иди.

Мәшһур нахшичи күрәш көсән һаятиниң ахирқи минутлириға қәдәр сиясий чақириқлирини тохтатмиған иди. Шуңа сәнәткарларниң сиясәткә арилашмаслиқ тәшәббуси, муаһҗирәттики уйғурларниң мутләқ көп қисми тәрипидин инкар қилинип кәлмәктә.



Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт