Истанбулда уйғур таамлирини тонуштуруш паалийити елип берилди

Шәрқий түркистан маарип вә һәмкарлиқ җәмийити аяллар бөлүминиң уюштуруши билән истанбулниң зәйтинбурну районидики әң ават орунлиридин бири болған, пойиз истансиси йенидики мәйданда чедир қуруп, уйғурларниң мәдәнийәт ‏- өрүп ‏- адәтлирини вә уйғур таамлирини тонуштуруш паалийити елип берилди.
Мухбиримиз арислан
2010.06.03
Share on WhatsApp
Share on WhatsApp
Istanbulda-Uyghur-tamaqliri-tonushturuldi-305 Сүрәт, шәрқий түркистан маарип вә һәмкарлиқ җәмийити айаллар бөлүминиң уйуштуруши билән 2010 ‏- йили 5 ‏- айниң 28 ‏- күнидин башланған, уйғурларниң мәдәнийәт ‏- өрүп ‏- адәтлирини вә уйғур таамлирини тонуштуруш паалийитидин бир көрүнүш.
RFA Photo / Arslan

Игилинишичә, бу паалийәт 2010 ‏- йили 5 ‏- айниң 28 ‏- күнидин 30 ‏- күнигичә 3 күнлүк орунлаштурулған болуп, башқиларниң тәшәббуси билән йәнә бир һәптә давам қилиш қарар қилинған.

Бу паалийәттә асаслиқи кийим - кечәкләр, уйғур таамлиридин, ләғмән, манта, самса, полу, ләңпуң, печинә ‏- пирәник қатарлиқ уйғур таамлири қоюлған болуп, булар әрзан баһада сетилған.

Бу паалийәткә истанбулда яшаватқан уйғур аяллар һәмкарлишип өз ихтиярлиқи билән өйлиридә уйғурчә таамларни пишуруп әкилип бәргән.

Чедирниң төт әтрапиға шәрқий түркистан маарип вә һәмкарлиқ җәмийити дегән чоң хәтләр йезилған вивиска вә ай юлтузлуқ көк байрақ билән түркийә байриқи есилған.

Биз бу паалийәт һәққидә техиму көп мәлуматқа еришиш үчүн шәрқий түркистан маарип вә һәмкарлиқ җәмийитиниң зәйтинбурну шөбә башлиқи мөминҗан вә аяллар бөлүми башлиқи мунәввәр ханим билән сөһбәт елип бардуқ.

Юқиридики аваз улинишидин, бу һәқтики сөһбитимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.