Уйғур тарихидин кәлгән қәһриман персонаж - қара оғлан


2007-07-04
Share

Түркийидә түркләрниң әргәнәкондин чиқип һазирқи тупрақларға келиш тарихи аңлитилған ривайәтләр интайин җиқ. Бу ривайәтләр еғиздин - еғизға, әвладтин- әвладқа аңлитилип кәлгән. Бу ривайәтләрдә худди уйғурлардики чин төмүр батурға охшашла қара оғлан, таркан қатарлиқ қәһриман персонажлар бар болуп, қара оғлан десә түркийидә билмәйдиған киши йоқ. Һәтта түркийәниң сабиқ баш министирлиридин бүләнт еҗевиткә хәлқ тәрипидин қара оғлан дәп нам берилгән иди.

Өткән һәптә түркийәниң әң чоң хәвәр қаналлиридин бири болған NTV телевизийисиниң түрк қәһриманлири темилиқ программисида қара оғлан персонажиниң уйғур икәнлики һәтта қара оғлан филиминиң йеқинда қазақистанда синға елинидиғанлиқи дейилди. Игилишимизчә, 1960-йилидин тартип қара оғлан һәққидики ривайәтләр вә чөчәкләр аңлитилған рәсимлик китап уда 7 йил франсийә, алҗирийә, тунис, маракәш қатарлиқ дөләтләрдә сетилған икән.

Бу рәсимлик һекайә түркийәдики чоң гезитләрдә узун йиллар рәсимлик чатма һекайә шәклидә нәшир қилинған болуп, оқурмәнләрниң қизиқип оқушиға сазавәр болған икән. Биз бу қара оғлан персонажиниң уйғурларға асаслинип туруп яритилғанлиқини аңлиғандин кейин, бу қәһриманниң яратқучиси болған суат ялаз әпәндим билән көрүштуқ. Суат ялаз әпәнди 1932-йили түркийәниң қиршеһир вилайитидә дуняға кәлгән болуп, истанбул гүзәл- сәнәтләр академийисини пүттүргән.

Оқуғучилиқ йиллирида түркийәдики гезит вә һәптилик журналларда рәсим сизған. 1960-Йилида ахшам гезитидә йезишқа башлиған қара оғлан һекайилири билән оқурмәнләрниң алқишиға сазавәр болған. Кейин у өзиниң ширкитини қуруп, тарихи қәһриманлар тәсвирләнгән киноларни ишлигән.

юқиридики улиништин, мухбиримиз әркин таримниң суат ялаз әпәнди билән елип барған сөһбитини аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт